შონ იანგი

მასალა ვიკიპედიიდან — თავისუფალი ენციკლოპედია
შონ იანგი

შონ იანგი 2007 წელს
დაბადების სახელი მერი შონ იანგი
დაბადების თარიღი 20 ნოემბერი, 1959
ლუისვილი, კენტუკი, აშშ
საქმიანობა მსახიობი
აქტიური 1980-დღემდე
მეუღლე(ები) რობერტ ლუხანი (1990–2002)
საიტი maryseanyoung.com

შონ იანგი (ინგლ. Sean Young; დ. 20 ნოემბერი, 1959) — ამერიკელი მსახიობი. პოპულარული იყო 1980-იან წლებში. ცნობილია შესრულებული როლებით ფილმებში: „სამართებელზე მორბენალი“ (1982), „დიუნა“ (1984), „გამოსავალი არ არის“ (1987), „უოლ სტრიტი“ (1987) „ბიძაშვილები“ (1989).

ბიოგრაფია[რედაქტირება | წყაროს რედაქტირება]

დაიბადა ქალაქ ლუისვილში, მამამისის ახალი ამბების სამსახურის პროდიუსერისა და ჟურნალისტის დონალდ იანგისა და დედამისის, სცენარისტისა და ჟურნალისტის ლი გათრის ოჯახში. ნაწილობრივ ირლანდიური წარმოშობისაა. სწავლობდა კლივლენდის უმაღლეს სკოლაში. შემდეგ სწავლა განაგრძო ინტერლოკენის ხელოვნების აკადემიაში; ნიუ-იორკში სწავლობდა აგრეთვე ამერიკული ბალეტის სკოლაში. მანამ სანამ მსახიობი გახდებოდა მუშაობდა მოდელად და მოცეკვავედ.

მისი კინოდებიუტი შედგა 1980 წელს ფილმში „ჯეინ ოსტინი მანჰეტენში“. 1982 წელს ჰარისონ ფორდთან ერთად ითამაშა კლასიკურ სამეცნიერო ფანტასტიკურ ფილმში „სამართებელზე მორბენალი“, სადაც შეასრულა რეიჩელის როლი. 1987 წელს პატარა როლი მიიღო ფილმში „უოლ სტრიტი“, სადაც მაიკლ დუგლასის პერსონაჟის გორდონ გეკოს მეეუღლის როლი შეასრულა. მისი ცნობილი ფილმებია: „გამოსავალი არ არის“, „დიუნა“ , საბედისწერო ინსტინქტი და სხვა. 2000 წლიდან მოყოლებული გამოჩნდა დამოუკდებელ ფილმებსა და ამერიკულ ტელესერიალებში. 2005 წელს ოთხი თვე რუსეთში იმყოფებოდა, სადაც მონაწილეობას იღებდა ტელესერიალში „ესენინი“. 2007 წელს პატარა როლი მიიღო ტელესერიალში „One Tree Hill“.

1990–2002 წლებში ქორწინებაში იმყოფებოდა რობერტ ლუხანთან. ჰყავს ორი შვილი.

რესურსები ინტერნეტში[რედაქტირება | წყაროს რედაქტირება]

ვიკისაწყობში არის გვერდი თემაზე: