ტყის ტბა
| ტყის ტბა | |
|---|---|
 ტყის ტბა (ხედი ქალაქ კენორაზე) | |
| კოორდინატები: 49°14′59″ ჩ. გ. 94°45′03″ დ. გ. / 49.24972° ჩ. გ. 94.75083° დ. გ. | |
| მდებარეობა |  აშშ კანადა
|
| სიმაღლე ზღვის დონიდან | 323 მ |
| სიგრძე | 110 კმ |
| სიგანე | 95 კმ |
| ფართობი | 4.390 კმ² |
| სანაპირო ზოლის სიგრძე | 40 ათ. კმ |
| მაქსიმალური სიღრმე | 64 მ |
| გამომდინარე მდინარე | უინიპეგი |
  | |
 | |
ტყის ტბა (ინგლ. Lake of the Woods) — გამდინარე ტბა ჩრდილოეთ ამერიკაში. გაწოლილია დიდი ტბების დასავლეთით, აშშ-ის — მინესოტის და კანადის — მანიტობის საზღვარზე. ფართობი 4390 კმ². სიგრძე 110 კმ, სიგანე 95 კმ. მდებარეობს 323 მ აბსოლუტურ სიმაღლეზე.[1] სიღრმე 26 მ-მდე, უდიდესი სიღრმე — 64 მ. გეოლოგიურად წარმოადგენს აგასისის ტბის ნაშთს. ტბაში მრავალი ტყიანი კუნძულია (სულ 14 ათასზე მეტი კუნძული). ტყის ტბა დაკავშირებულია უინიპეგის ტბასთან. ჩრდილოეთ ნაპირზე მდებარეობს ქალაქი კენორა. სანაპირო ხაზი ძლიერ დანაწევრებულია, სანაპირო ხაზის სიგრძეა 40 ათ. კმ. აღმოსავლეთ ნაპირზე გამოიყოფა დიდი ნახევარკუნძული, რომელიც ტბაში ფართოდაა შეჭრილი; აღნიშნული ნახევარკუნძული ტყის ტბას ჩრდილოეთ და სამხრეთ ნაწილებად ყოფს. ტბიდან გამოედინება მდინარე უინიპეგი.
ტბის სანაპიროებზე გვხვდება მრავალი სახის ფრინველი, ასევე ფართოდ არის თეთრთავა არწივი. ტბაში მოიპოვება თევზის რამდენიმე სახეობა, მათ შორის: წერი, ქორჭილა, კალმახი და სხვა.[2]
რესურსები ინტერნეტში[რედაქტირება | წყაროს რედაქტირება]
- ტყის ტბა — სტატია ენციკლოპედია ბრიტანიკიდან (ინგლისური)
სქოლიო[რედაქტირება | წყაროს რედაქტირება]
- ↑ Lake of the Woods — The Canadian Encyclopedia. დაარქივებულია ორიგინალიდან — 2011-08-27. ციტირების თარიღი: 2011-09-07.
- ↑ Canada Fishing Online. Ontario Fishing. დაარქივებულია ორიგინალიდან — 2011-08-10. ციტირების თარიღი: 2011-09-07.