ტრიქონისი
ტრიქონისი | |
---|---|
ტრიქონისის ტბა | |
კოორდინატები: 38°33′01″ ჩ. გ. 21°33′15″ ა. გ. / 38.55028° ჩ. გ. 21.55417° ა. გ. | |
მდებარეობა | საბერძნეთი |
ფართობი | 98,2–98,6 კმ² |
მოცულობა | 2,868–2,990 კმ³ |
საშუალო სიღრმე | 29–30 მ |
მაქსიმალური სიღრმე | 58 მ |
ტრიქონისი (ბერძ. Τριχωνίδα) — საბერძნეთის უდიდესი ტბა. ფართობი 98,6 კმ², სიგრძე 19 კმ, სიგანე 8 კმ. მაქსიმალური სიღრმე 58 მ. უკავია ტექტონიკური ღრმულის ყველაზე დადაბლებული ნაწილი. სანაპიროს სამხრეთი და დასავლეთი ნაპირები უმეტესად დაბლობია, ადგილ-ადგილ დაჭაობებული. ჩრდილოეთი და აღმოსავლეთი ნაპირები ამაღლებულია. ტბის ნაპირები შემოსილია ფიჭვის, ალვის ხეებისა და ოლეანდრისაგან შემდგარი ტყით.
მრავალფეროვანია აქაური ტბის ფაუნაც, გვხვდება 200-მდე სახეობის ფრინველი, რომელთაგან 50 იშვიათი სახეობისაა. ტრიქონისი მდიდარია თევზით. ტბაში მოიპოვება ენდემური სახეობის თევზი. ტბიდან გამოედინება მდინარე, რომელიც ერთვის მდინარე აქელოოსს მარცხენა მხრიდან (იონიის ზღვის აუზი). 2007 წლის 11 აპრილს აქ ძლიერი მიწისძვრა დაფიქსირდა. ეპიცენტრს თვით ტბა წარმოადგენდა. სიახლოვესაა ქალაქი აგრინიონი.
იხილეთ აგრეთვე[რედაქტირება | წყაროს რედაქტირება]
რესურსები ინტერნეტში[რედაქტირება | წყაროს რედაქტირება]
- ტრიქონისი — სტატია დიდი საბჭოთა ენციკლოპედიიდან (რუსული)