ტომსკი

ქალაქი
ტომსკი რუს. Томск
დროშა გერბი
ქვეყანა	რუსეთი
შიდა დაყოფა	ლენინის რაიონი, კიროვსკის რაიონი, სოვეტსკის რაიონი და ოქტიაბრსკის რაიონი
კოორდინატები	56°29′19″ ჩ. გ. 84°57′08″ ა. გ.
მმართველი	ივან კლიაინი
დაარსდა	1604
ფართობი	294.6 კმ²
ცენტრის სიმაღლე	80 მეტრი
მოსახლეობა	572 740 (2017)
სასაათო სარტყელი	UTC+07:00
სატელეფონო კოდი	3822
საფოსტო ინდექსი	634000–634999
ოფიციალური საიტი	https://www.admin.tomsk.ru/
ტომსკი ვიკისაწყობში

ტომსკი (რუს. Томск) — ქალაქი რუსეთში. ტომსკის ოლქისა და ტომსკის რაიონის ადმინისტრაციული ცენტრი. მდებარეობს დასავლეთ ციმბირის აღმოსავლეთ ნაწილში, მდინარე ტომის ნაპირზე.

ტომსკი არის ციმბირში უძველესი საგანმანათლებლო, სამეცნიერო და ინოვაციური ცენტრი. ქალაქში არის ცხრა უმაღლესი სასწავლებელი, 15 სამეცნიერო-კვლევითი ინსტიტუტი, განსაკუთრებული ეკონომიკური ზონა და ექვსი ბიზნეს-ინკუბატორი. არის ციმბირისა და შორეული აღმოსავლეთის ქალაქების ასოციაციის წევრი.

ქალაქი მდიდარია XVIII-XX საუკუნეების ხისა და ქვის არქიტექტურული ძეგლებით.

ქალაქში ცხოვრობს 574 002 ადამიანი. ტომსკი ქალაქ-თანამგზავრ სევრსკთან ერთად ქმნის საქალაქო აგლომერაციას, რომლის მოსახლეობის რაოდენობაა 728 000 ადამიანი.

გეოგრაფია

ტომსკი მდებარეობს დასავლეთ ციმბირის დაბლობის საზღვარზე, მდინარე ტომის მარჯვენა სანაპიროზე, 50 კილომეტრში მდინარის ობთან შესართავიდან. ქალაქი მდებარეობს ტაიგის ზონაში. მოსკოვიდან დაშორებულია 3 500 კილომეტრით.

ისტორია

1604 წლის 20 იანვარს ბორის გოდუნოვის სამეფო კარს ეწვია ეუშტინების თათარი თავადის ელჩობა, რომელმაც თხოვა რუსეთის ქვეშევრდომობაში შესვლა და მდინარე ტომზე ციხესიმაგრის დაარსება რათა ეუშტინელები დაეცვათ ენისეის ყირგიზებისა და ყალმუხების თავდასხმებისაგან. მართლაც 1604 წლის 7 ოქტომბრისათვის ყველა სამშენებლო სამუშაოები დასრულდა.

ადმინისტრაციული მოწყობა

რუსეთის ოლქების ადმინისტრაციულ ტერიტორიული მოწყობის მიხედით ტომსკი არის საოლქო დაქვემდებარების ქალაქი. იყოფა ოთხ რაიონად (კიროვის, ლენინის, ოქტომბრისა და საბჭოთა).

ღირსშესანიშნაობები

• ტომსკის წმინდა პეტრესა და პავლეს საკათედრო ტაძარი
• ტომსკის აღდგომის ეკლესია
• ტომსკის ღვთისმშობელ-ალექსეევკის მონასტერი
• ტომსკის ნათლისცემის ტაძარი
• ტომსკის იოანე ნათლისმცემლის მონასტერი

რესურსები ინტერნეტში

• Официальный сайт муниципалитета города Томска დაარქივებული 2020-11-28 საიტზე Wayback Machine.
• Товики — томская городская вики
• Памятники Томска
• Томское краеведение
• ОЭЗ в г. Томске დაარქივებული 2011-08-20 საიტზე Wayback Machine. Российские особые экономические зоны
• Томск. Фотографии 1965—1980 годов и современные დაარქივებული 2013-10-21 საიტზე Wayback Machine.
• Подробная карта Томской области
• Самое полное собрание старых фотографий Томска (более 1500)