სტავრონიკიტას მონასტერი
| მონასტერი | |
|---|---|
|
სტავრონიკიტა Μονή Σταυρονικήτα | |
 | |
| ქვეყანა |
 საბერძნეთი |
| კოორდინატები | 40°16′04″ ჩ. გ. 24°16′36″ ა. გ. / 40.26778° ჩ. გ. 24.27667° ა. გ. |
| დაარსდა | XI საუკუნე |
| მოსახლეობა |
33 (2021), 42 (2001), 31 (1991) |
| ოფიციალური საიტი | http://www.mountathos.gr[1] |
  | |
სტავრონიკიტას მონასტერი (ბერძ. Μονή Σταυρονικήτα) — მამათა მონასტერი ათონის მთაზე. წმინდა მთის თანამედროვე იერარქიაში მეთხუთმეტე ადგილზეა. მონასტერი წმინდა მთაზე ყველაზე პატარაა. იგი ნახევარკუნძულის აღმოსავლეთით, ივერიის მონასტერსა და პანტოკრატორის სავანეს შორის მდებარეობს.
იგი X-XI საუკუნეში დაუარსებია ვინმე ნიკიფორე ნიკიტას (სტავრონიკიტას), იმპერატორ ციმისხიოსის ოფიცერს. XII საუკუნეში მეკობრეების თავდასხმებმა მონასტერი ძალიან დაასუსტა, XIII საუკუნეში ის ყუთლუმუშის მონასტერს დაემორჩილა, ხოლო XVI საუკუნეში ფილოთეოსის სავანის გამგებლობაში გადავიდა. 1533 წელს ჰერომერის იღუმენმა გრიგოლმა სტავრონიკიტა გამოისყიდა და შეუდგა მის აღორძინებას. იმავე წელს, საპატრიარქოს ბრძანებით, სავანე სტავროპიგიალურად აღიარეს. 1541 წელს მონასტრის აღსადგენად კონსტანტინოპოლის პატრიარქმა იერემიამ უხვად გაიღო ფინანსები, უზრუნველყო საშემოსავლო სახლებით კასანდრასა და ლემნოსის კუნძულზე. მონასტერი კვლავ საერთო საცხოვრებლის წესდებას დაუბრუნდა. ტაძარი, რომლის მშენებლობა დამთავრდა 1546 წელს, ნაკურთხია წმინდა ნიკოლოზის სახელზე და მოხატულია თეოფანეს მიერ. სავანეში ინახება მის მიერ დაწერილი ათორმეტ დღესასწაულთა ხატები.
1607 წელს მონასტრის დიდი ნაწილი ხანძარმა ფერფლად აქცია.
XVIII საუკუნეში მოლდოვლახელმა დიდებულმა ალექსანდრე გიკმა სავანეს უბოძა წმინდა მოციქულთა მონასტერი ბუქარესტში.
რესურსები ინტერნეტში[რედაქტირება | წყაროს რედაქტირება]
- სტავრონიკიტას მონასტერი ათონის მთის ოფიციალურ საიტზე დაარქივებული 2016-03-11 საიტზე Wayback Machine.
- სტავრონიკიტას მონასტერი საბერძნეთის კულტურის სამინისტროს საიტზე დაარქივებული 2008-06-29 საიტზე Wayback Machine.
| |||||
- ↑ Commons Institution page