ლამინარული დინება

ლამინარული დინება (ლათ. lamina — „ფურცელი“, „ფირფიტა“) — ბლანტი სითხის (ან აირის) მოწესრიგებული დინება, რომლის დროსაც სითხის მეზობელი შრეები ერთმანეთს არ შეერევა, ლამინარული დინება მდგრადია. პრაქტიკულად ხორციელდება რეინოლდსის რიცხვის შემდეგი მნიშვნელობების დროს:

Re={\frac {vl}{\nu }}<Re_{\text{კრ}}

.

სადაც:

$v$ — სითხის საშუალო სიჩქარე (მ/წმ);
$l$ — სითხის მოძრაობის მახასიათებელი ზომა (მ);
$\nu$ არის კინემატიკური სიბლანტე (მ²/წმ);
$Re_{\text{კრ}}$ — რეინოლდსის კრიზისული რიცხვი.

მაგალითად სითხის (ან აირის) დინებისათვის სწორ წრიულ მილში, როცა $l$ დიამეტრის ტოლია, $Re_{\text{კრ}}\approx 2200$ , საშუალო სიჩქარე $v=4V_{\text{წმ}}/\pi d^{2}$ , სადაც $V_{\text{წმ}}$ არის სითხის მოცულობითი ხარჯი წამში (მ²/წმ), რომელიც პუაზეილის კანონით განისაზღვრება. $Re>Re_{\text{კრ}}$ დროს ლამინარული დინება არამდგრადია და შემთხვევითი შეშფოთებისას გარდაიქმნება ტურბულენტურ დინებად. ლამინარულ დინებაზე დაკვირვება შეიძლება წვრილ (კაპირალურ) მილებში, სრიალის საკისრის საზეთის შრეებში და სხვა.