ვახტანგ კოპალეიშვილი
_%E2%80%94_FC_Dinamo_Tbilisi_Midfielder_(1975%E2%88%921980,_1983).jpg) | |||
| პირადი მონაცემები | |||
|---|---|---|---|
| სრული სახელი | ვახტანგ კარლოს ძე კოპალეიშვილი[1] | ||
| დაბადების თარიღი | 26 დეკემბერი, 1954 | ||
| დაბადების ადგილი |
სამტრედია, საქართველოს სსრ, სსრ კავშირი | ||
| გარდაცვალების თარიღი |
13 თებერვალი, 2015 (60 წლის) | ||
| გარდაცვალების ადგილი |
თბილისი, საქართველო | ||
| სიმაღლე | 170 სმ | ||
| სათამაშო პოზიცია | ნახევარმცველი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1973–1980 | დინამო | 73 | (1) |
| 1980–1982 | გურია | 101 | (26) |
| 1983 | დინამო | 11 | (1) |
| 1984–1987 | გურია | 125 | (37) |
| სამწვრთნელო კარიერა | |||
| 1996−1999 | საქართველო 18 წლ. | ||
| 1997−1998 | საქართველო 17 წლ. | ||
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
.jpg)
ვახტანგ კოპალეიშვილი (დ. 26 დეკემბერი, 1954, სამტრედია, საქართველოს სსრ — გ. 13 თებერვალი, 2015, თბილისი) — ქართველი და საბჭოთა ფეხბურთელი და ფეხბურთის მწვრთნელი, თამაშობდა ნახევარმცველის პოზიციაზე. იცავდა თბილისის „დინამოსა“ და ლანჩხუთის „გურიას“ ღირსებას. საბჭოთა კავშირის ჩემპიონი (1978),[2] ვიცე-ჩემპიონი (1977)[3] და ბრინჯაოს პრიზიორი, საბჭოთა კავშირის თასის მფლობელი (1976) და ფინალისტი (1980) თბილისის „დინამოს“ შემადგენლობაში. საბჭოთა კავშირის სპორტის ოსტატი (1976).[4]
ბიოგრაფია[რედაქტირება | წყაროს რედაქტირება]
ფეხბურთის თამაშს იწყებს 1966 წელს თბილისის სპორტინტერნატის საფეხბურთო სკოლაში მწვრთნელების — ვ. პანდელოვის და ვ. ელოშვილის ხელმძღვანელობით. 1973 წლიდან თბილისის „დინამოს“ რიგებშია. იმავე წელს გუნდის სათადარიგო შემადგენლობაში დუბლიორთა საკავშირო პირველობის ორ შეხვედრას თამაშობს. რაც შეეხება გუნდის ძირითად შემადგენლობას, მის რიგებში პირველად 1975 წლის 1 ივნისს, საკავშირო ჩემპიონატის მე-9 ტურის კალენდარულ მატჩში, ლვოვის „კარპატის“ წინააღმდეგ გამოდის მინდორზე. შეხვედრას „კარპატის“ საშინაო არენა — სტადიონი „დრუჟბა“[კომ. 1] მასპინძლობს და მას 10 ათასი ფეხბურთის გულშემატკივარი ესწრება. დინამოელები თამაშს ასეთი შემადგენლობით იწყებენ: გოგია, ძოძუაშვილი, ჭელიძე, ებრალიძე, მუჯირი, გავაშელი, ქორიძე, გ. მაჩაიძე, დარასელია, მ. მაჩაიძე და ყიფიანი. კოპალეიშვილი მატჩის მეორე ტაიმის 72-ე წუთზე, ვახტანგ ქორიძის ნაცვლად ერთვება თამაშში. დაპირისპირება მასპინძელთა გამარჯვებით, ანგარიშით 3–2 მთავრდება.[5][კომ. 2] თბილისელთა ახალბედა ნახევარმცველი ქვეყნის მიმდინარე პირველობის კიდევ 6 შეხვედრაში გამოდის გუნდის ძირითადი შემადგენლობის მაისურით და ჯამში, თავის სადებიუტო სეზონში შვიდჯერ იცავს „დინამოელთა“ ღირსებას. ამას გარდა, ერთ საერთაშორისო ამხანაგურ შეხვედრაშიც იღებს მონაწილეობას, ხოლო დუბლიორთა საკავშირო ტურნირის ფარგლებშიც, ასევე, შვიდჯერ გამოდის საფეხბურთო მოედანზე.
ვახტანგ კოპალეიშვილმა თბილისის „დინამოს“ შემადგენლობაში უმაღლესი ლიგის საკავშირო ჩემპიონატების 84 მატჩი (2 გოლი), ხოლო საკავშირო თასის გათამაშების 16 მატჩი (1 გოლი) ჩაატარა. ამას გარდა, ევროპული საერთაშორისო საფეხბურთო ტურნირების ფარგლებში „დინამოს“ ღირსება 6 შეხვედრაში დაიცვა, აქედან 4 შეხვედრა — თასების მფლობელთა თასის, ხოლო 2 — უეფა-ს თასის გათამაშებაში.
ვახტანგ კოპალეიშვილი 60 წლის ასაკში, 2015 წლის 13 თებერვალს გარდაიცვალა.[6][7][კომ. 3]
მიღწევები[რედაქტირება | წყაროს რედაქტირება]
.svg){kind=small}
სანაკრებო[რედაქტირება | წყაროს რედაქტირება]
საქართველოს სსრ ნაკრები- სსრ კავშირის სპარტაკიადა
- ვიცე-ჩემპიონი: 1979 [12]
ლიტერატურა[რედაქტირება | წყაროს რედაქტირება]
- თედორაძე, ზურაბ (2002). თბილისის „დინამო“ : ციფრები, ფაქტები, კომენტარები, 1936–1989. თბ..
- თედორაძე, ზურაბ (1999). თბილისის „დინამო“ ციფრებში, 1936–1989. თბ.: სტამბა–96.
- ხარაბაძე, თამაზ; კილაძე, ენვერ (რედ.) და სხვ. (1987). ფეხბურთი — 87 : ცნობარი ლანჩხუთის „გურიის“ შესახებ. ლანჩხუთი.
- აკოფოვი, გარუნ; ენუქიძე, ჯიმშერ (1987). ფეხბურთი — 87 : (ცნობარი). თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1980). ფეხბურთი — 80 : (ცნობარი). თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1979). ფეხბურთი — 79 : (ცნობარი). თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1979). მეორედ — ოლიმპზე. თბ.: საქ. კპ ცკ-ის გამ-ბა.
- მოსაშვილი, მინდია (1982). მარადიული დღესასწაული. თბ.: ხელოვნება.
- მოსაშვილი, მინდია (1979). თბილისის დინამო 1978 წლის სსრკ ჩემპიონი. თბ.: ხელოვნება.
- გორელოვი, იან (1979). „დინამო“ — 78 (ფოტოალბომი). თბ.: საქ. კპ ცკ-ის გამ-ბა.
- აკოფოვი, გარუნ (1976). ასე ნანატრი გამარჯვება. თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1978). ფეხბურთი — 78 : (ცნობარი). თბ.: საქ. კპ ცკ-ის გამ-ბა.
- აკოფოვი, გარუნ (1977). ფეხბურთი — 77 : (ცნობარი–კალენდარი). თბ.: საქ. კპ ცკ-ის გამ-ბა.
- Алешин, Павел (1987). Футбол — 87 : Справочник – календарь. М.: Московская правда.
პერიოდიკა[რედაქტირება | წყაროს რედაქტირება]
- გზა ოქროს მედლებისკენ // „ლელო“, 14 ნოემბერი, 1978, № 222 (6277), გვ. 2–3.
- მებურიშვილი, ტაგუ, „გაისმის მთად და ბარად მათი დიდების ექო“... // „ლელო“, 11 ნოემბერი, 1978, № 220 (6275), გვ. 2–3.
რესურსები ინტერნეტში[რედაქტირება | წყაროს რედაქტირება]
- Squad Dinamo Tbilisi - Season 1978 დაარქივებული 2020-10-02 საიტზე Wayback Machine.
- Dinamo Tbilisi » Squad 1977/1978
| თემატური საიტები |
|---|
| FootballDatabase.eu · Transfermarkt · WorldFootball.net · КЛИСФ |
| ლექსიკონები და ენციკლოპედიები |
|---|
| საქართველოს ბიოგრაფიული ლექსიკონი · ბიოგრაფიული ლექსიკონი |
| ფოტო |
|---|
| ციფრული ფოტომატიანე „ივერიელი“ |
კომენტარები[რედაქტირება | წყაროს რედაქტირება]
- ↑ Бывшее название «Дружба» (1963–1990) — Стадион «Дружба» был построен в 1960-х годах (архитекторы Я. Назаркевич, Я. Порохнавец, Л. Скорик, В. Блисюк) с первоначальной вместимостью 45 тысяч зрителей.
- ↑ 1 июня 1975. Львов. Стадион "Дружба". Дождь. 11 градусов. 10000 зрителей. Чемпионат СССР 1975. "Динамо" Тб: Гогия, Дзодзуашвили, Челидзе, Эбралидзе, Муджири, Гавашели, Коридзе (Копалейшвили, 72), Г.Мачаидзе, Дараселия (Рехвиашвили, 68), М.Мачаидзе, Кипиани.
- ↑ ვახტანგ კოპალეიშვილი გარდაიცვალა... ხანმოკლეა ცხოვრება, ამ უსაყვარლესმა და ხალისიანმა, იუმორით სავსე კაცმა სულ 60 წელი იცხოვრა. „კოპალას ბიჭები“ – ასეც ეძახდნენ იმ ნაკრებს, სადაც თამაშობდნენ ოთარ ხიზანეიშვილი, ზურაბ ხიზანიშვილი, ზურაბ ბათიაშვილი, ლევან კორღალიძე, დავით დიღმელაშვილი, ზურაბ მენთეშაშვილი და სხვები. 16 თებერვალი, 2015.
- ↑ „В решающем матче за Кубок нам достался очень сильный соперник — тбилисское "Динамо". Тогда за эту команду играли великие футболисты — Александр Чивадзе, Виталий Дараселия, Владимир Гуцаев, Давид Кипиани, Рамаз Шенгелия, Тенгиз Сулаквелидзе. Короче, еще та компания!“
სქოლიო[რედაქტირება | წყაროს რედაქტირება]
- ↑ დაჯილდოება // „ლელო“, 11 სექტემბერი, 1979, № 174 (6485), გვ. 1.
- ↑ მეორედ — ოლიმპზე : ცნობარი / გ. აკოფოვი, მ. კაკაბაძე; 1979, გვ. 38.
- ↑ ფეხბურთი 1978 : ცნობარი / ავტ.-შემდგ.: გ. აკოფოვი, მ. კაკაბაძე; 1978, გვ. 22.
- ↑ ფეხბურთი — 87 : ცნობარი / გ. აკოფოვი, ჯ. ენუქიძე; 1987, გვ. 48–49.
- ↑ "Карпаты" (Львов) 3–2 "Динамо" (Тбилиси).
- ↑ სამძიმარი: ვახტანგ კოპალეიშვილი გარდაიცვალა დაარქივებული 2017-12-26 საიტზე Wayback Machine. .
- ↑ ვახტანგ კოპალეიშვილი — თაობების გამზრდელი კაცი.
- ↑ Протоколы кубка СССР 1976 года Динамо (Тбилиси) // fc-dynamo.ru
- ↑ Shakhtyor Donetsk 2–1 Dinamo Tbilisi / Soviet Union Cup 1980 // rsssf.com
- ↑ Сбылось и не сбылось // "Футбол-Хоккей", 17.08.1980
- ↑ Кубковые вершины "Шахтера". Год 1980-й
- ↑ Сборная Грузии — Сборная Литвы 5:0 (3:0) // dinamo-tbilisi.ru
