დოესი

სოფელი
დოესი
სამების ეკლესია
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	კასპის მუნიციპალიტეტი
თემი	დოესი
კოორდინატები	41°56′06″ ჩ. გ. 44°14′37″ ა. გ.
ცენტრის სიმაღლე	580 მ
ოფიციალური ენა	ქართული ენა
მოსახლეობა	2323 კაცი (2014)
ეროვნული შემადგენლობა	ქართველები 99,3 %
სასაათო სარტყელი	UTC+4
სატელეფონო კოდი	+995
დოესი ვიკისაწყობში

დოესი — სოფელი აღმოსავლეთ საქართველოში, შიდა ქართლის მხარის კასპის მუნიციპალიტეტში. მდებარეობს მტკვრის შუა ხეობის ვაკეზე. მცხეთა-ძეგვი-ხიდისთავი-გორის საავტომობილო გზაზე. თემის ცენტრი (სოფლები: დოესი, გრაკალი). ზღვის დონიდან 580 მეტრზე, კასპიდან დაშორებულია 25 კილომეტრით.

სოფელში მდებარეობს საქართველოს კათოლიკოს პატრიარქის ეფრემ II-ის (სიდამონიძე) (1960-1972) სახლ-მუზეუმი. ასევე სამებისა და ღვთისმშობლის ბაზილიკური ეკლესიები.

ისტორია

1904 წლის 16 აგვისტოს, სოფლის მოედანზე შეიკრიბა გლეხობა. მათ უარი განაცხადეს თავად ციციშვილისთვის მაღალი გადასახადის გადახდაზე. აჯანყებულთა დასაწყნარებლად მოიწვიეს გორის მაზრის უფროსი ცხენოსანთა რაზმით. დააპატიმრა 5 მოთავე გლეხი.

დემოგრაფია

2014 წლის აღწერის მონაცემებით სოფელში ცხოვრობს 2323 ადამიანი.

აღწერის წელი	მოსახლეობა	კაცი	ქალი
2002	2818	1360	1458
2014	2323	1152	1171

იხილეთ აგრეთვე

• დოესის მინდორი
• დოესის ყორღანი
• წეროაანთ წმინდა გიორგის ეკლესია
• ილია ხმალაძის სახლი

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 605.

• კახაძე კ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 155.