გირვანქა (ერთეული)
| გირვანქა | |
|---|---|
| სტანდარტი: | SI სისტემის საბაზისო ერთეული. |
| სიდიდე: | მასა. |
| სიმბოლო (საერთ): | lb |
| ეკვივალენტები: | |
| იმპერიულ ერთეულებში | 0.45359237 კგ |
| იმპერიულ ერთეულებში | ⅓ ოყა |
გირვანქა, ასევე ფუნტი (ლათ. pondus, ინგლ. pound, ფრანგ. livre, არაბ. رطل) — მასის საზომი ერთეული, რომელიც ფართოდ გამოიყენებოდა ისტორიულ ევროპასა და აღმოსავლეთში. გირვანქის მასა წარმოადგენდა 7000 მარცვლის ერთობლივ წონას. საქართველოში გავრცელდა XVIII საუკუნიდან. იხმარებოდა მეტრული სისტემის შემოღებამდე.
გირვანქის მასის ზომა განსხვავდება ქვეყნების მიერ, ასე მაგალითად, საქართველოში გირვანქა წარმოადგენდა ოყის მესამედს[1] და უდრიდა 0,4267 კილოგრამს, მაშინ როცა:
- ბრიტანული გირვანქა უდრის 0,4536 კგ-ს
- ავსტრიული გირვანქა უდრის 0,56001 კგ-ს-ს
- ამსტერდამის გირვანქა უდრის 0,4941 კგ-ს
- დანიური გირვანქა უდრის 0,496 კგ-ს
- ძველი რომაული გირვანქა (libra) უდრის 0,32745 კგ-ს
- ესპანური გირვანქა უდრის 0,451 კგ-ს
- პორტუგალიური გირვანქა უდრის 0,459 კგ-ს
- რუსული გირვანქა უდრის 0,4914 კგ-ს
- ფრანგული ლივრი უდრის 0,489505 კგ-ს
- შვედური გირვანქა უდრის 0,425076 კგ-ს
ლიტერატურა[რედაქტირება | წყაროს რედაქტირება]
- ენციკლოპედია „საქართველო“, ტ. 2, თბ., 2012. — გვ. 36.
- ქართული საბჭოთა ენციკლოპედია, ტ. 3, თბ., 1978. — გვ. 166.
- ჯაფარიძე, გ. ნარკვევი ქართული მეტროლოგიის ისტორიიდან, თბილისი, 1973