ბექა ნაცვლიშვილი
| ბექა ნაცვლიშვილი | |
|---|---|
| დაბადების თარიღი | 19 ოქტომბერი, 1977 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| პარტია |
„ქართული ოცნება - დემოკრატიული საქართველო“ (2019-მდე) „ჩვენი საქართველო – სოლიდარობის ალიანსი“ (2020—2021) |
ბექა ნაცვლიშვილი (დ. 19 ოქტომბერი, 1977, თბილისი) — ქართველი პოლიტიკოსი, სოციოლოგი.
1994-1998 წლებში სწავლობდა თბილისის სახელმწიფო უნივერსიტეტში და მიენიჭა ბაკალავრის აკადემური ხარისხი; 1998-1999 წლებში ოტო ფონ გურიკეს სახელობის მაგდებურგის უნივერსტეტში, პოლიტოლოგიისა და სოციოლოგიის მიმართულებით; 2000-2006 წლებში მიუნსტერის უნივერსიტეტში პოლიტიკური მეცნიერების, სოციოლოგიისა და რელიგიათმცოდნეობის სპეციალობაზე და მიენიჭა სოციალურ მეცნიერებათა ჯერ ბაკალავრის, შემდეგ კი მაგისტრის აკადემიური ხარისხები.
2008-2009 წლებში საქართველოს ტურიზმის ასოციაცია, აღმასრულებელ მენეჯერი; 2008-2009 წლებში ტურიზმის სკოლა „ნიუკაზის“ სოციოლოგიისა და რელიგიათმცოდნეობის ლექტორი; 2009-2010 წლებში „საქართველოს ტურისტული რესურსების კვლევის ცენტრის“ დამფუძნებელი და პროექტის ხელმძღვანელი; 2009-2011 წლებში „საქართველოს უნივერსიტეტი“ პოლიტიკური მეცნიერების ლექტორი; 2009-2014 წლებში საზოგადოების კვლევის ცენტრის მკვლევარი; 2010 წელს იყო ბრიუსელში „ფრიდრიხ ებერტის ფონდის“ ეგიდით მკვლევრის პოზიციაზე; 2012-2014 წლებში საქართველოს მთავრობის ადმინისტრაცია, პოლიტიკის ანალიზისა და სტრატეგიული დაგეგმვის სამსახურის მრჩეველი; 2013 წლიდან ევროკომისიის (ტემპუსი) სამაგისტრო პროგრამის — „ევროპასთან ინტეგრაცია და შრომითი ურთიერთობების“ ხელმძღვანელი, პოლიტიკური ეკონომიკისა და პოლიტიკური სოციოლოგიის ლექტორი; 2013 წლიდან „კავკასიის უნივერსიტეტის“ პოლიტიკური მეცნიერების ლექტორი. არის არაერთი პუბლიკაციის ავტორი, ადგილობრივი და საერთაშორისო კონფერენციების აქტიური მონაწილე.
2014-2016 წლებში იყო თბილისის მუნიციპალიტეტის საკრებულოს წევრი. 2016-2020 წლებში — საქართველოს მე-9 მოწვევის პარლამენტის წევრი (თბილისის ისნის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. 2019 წელს დატოვა „ქართული ოცნება“. 2020 წელს პარტიიდან წასულ სხვა ადამიანებთან ერთად ჩამოაყალიბა „ჩვენი საქართველო – სოლიდარობის ალიანი“, რომლის თავმჯდომარე თავად გახდა, თუმცა მისი რიგები 2021 წელს დატოვა.[1]
რესურსები ინტერნეტში[რედაქტირება | წყაროს რედაქტირება]
- ბექა ნაცვლიშვილი — საქართველოს ბიოგრაფიული ლექსიკონი
- ბექა ნაცვლიშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო[რედაქტირება | წყაროს რედაქტირება]
- ↑ “ცალსახად არ ვაპირებ სხვა პარტიაში გაერთიანებას” — ნაცვლიშვილი “სოლიდარობის ალიანსს” ტოვებს. Netgazeti.ge (8 თებერვალი, 2021). ციტირების თარიღი: 8 თებერვალი, 2021.