Buffalo Springfield — ამერიკულ-კანადური როკ-ჯგუფი, ჩამოყალიბებული ლოს-ანჯელესში 1966 წელს. მის ორიგინალურ შემადგენლობაში შედიოდნენ სტივენ სტილსი (გიტარა, კლავიშებიანები, ვოკალი), დიუი მარტინი (დასარტყმელი საკრავები, ვოკალი), ბრიუს პალმერი (ელექტრონული ბასი), რიჩი ფიური (გიტარა, ვოკალი) და ნილ იანგი(გიტარა, ჰარმონიკა, ფორტეპიანო, ვოკალი).[1] ჯგუფი იყო ფოლკ-როკის ჟანრის ერთ-ერთი პიონერი. მათი მუსიკა აერთიანებს ფოლკ-როკის და ქანთრი-როკის ელემენტებს. მეორე ალბომით Buffalo Springfield Again მათ სიმღერებში გამოჩნდა ფსიქოდელიური და მძიმე როკის ჟღერადობაც.[2]
