დაღესტანი

დაღესტანი რუსეთის რუკაზე.

დაღესტანი (სრული სახელწოდება დაღესტნის რესპუბლიკა , რუს. Респу́блика Дагеста́н) - რუსეთის ფედერაციის სუბიექტი, შედის რუსეთის ფედერაციის სამხრეთ ფედერალურ ოკრუგში.

დედაქალაქი — ქ. მაჰაჩყალა.

ძირითადი ტერიტორია ესაზღვრება სამხრეთით - აზერბაიჯანს, სამხრეთ-დასავლეთით საქართველოს, აგრეთვე დასავლეთით ჩეჩნეთს, ჩრდილოეთ-დასავლეთით სტავროპოლის მხარეს და ჩრდილოეთით ყალმუხეთის რესპუბლიკას, აქვს 2 ანკლავი აზერბაიჯანის ტერიტორიაზე (სოფლები ხრახუბა და ურიანობა).

შეიქმნა 1921 წლის 20 იანვარს.

რუსეთის უდიდესი რესპუბლიკა ჩრდილოეთ კავკასიაში, მოსახლეობითაც და ტერიტორიულად.

ეტიმოლოგია

სიტყვა „დაღესტანი“, ან „დაღსტანი“ ნიშნავს „მთების ქვეყანას“, მომდინარეობს თურქული სიტყვისგან dağ („დაღ“), რაც ნიშნავს მთას და სპარსული სუფიქსის მნიშვნელობიდან — „ქვეყანა“. სპარსულად და არაბულად მისი სახელია داغستان‎ („დაღსთან“).