ხელვაჩაური (ბათუმი)

ხელვაჩაური - დაბა, ხელვაჩაურის რაიონის ადმინისტრაციული ცენტრი, აჭარაში. მდებარეობს კახაბრის დაბლობზე, მდინარე ჭოროხის მარჯვენა ნაპირას (ზღვის დონიდან 80 მ, ბათუმიდან 8 კმ). სახელწოდება მომდინარეობს ხელვაჩაძეების გვარიდან. ხელვაჩაური და მისი მიდამოები ადამიანს ახალი ქვის ხანიდან აუთვისებია. დაბის სტატუსი მიიღო 1968 წელს. მოსახლეობა 6.1 ათასი (2002). დაბაში არის ადმინისტრაციული, კულტურის, განათლების და ჯანდაცვის დაწესებულებები, მცირე საწარმოები.