Џ

Џ, џ — კირილური ასო სლავური ენებისთვის — სერბულისა და მაკედონიურისთვის. გამოიყენება აფხაზურ ენაშიც. ორივე ენაში გარმოთქვამენ დაახლ. როგორც ქართულ „ჯ“-ს. როგორც ცნობილია, სერბია მოიხმარს ორ, კირილურსა (ე. წ. ჩირილიცას) და ლათინურ (ე. წ. ლატინიცას) ანბანს, ანუ ჟურნალ-გაზეთები სერბიაში ორ ანბანზე იბეჭდება. ხორვატულში, ლატინიცაზე მას შეესაბამება დიგრაფი Dž, dž. მაგ.; (კირილ.) Џорџиjа = (ლათ.) Džordžija [ჯორჯია], ან (კირილ.) џез = (ლათ.) džez [ჯეზ]

რაც შეეხება აფხაზურს, ამ ენას გააჩნია ორნაირი, ე. წ. მაგარი და რბილი ჯ. მაგარ ჯ-ს გამოსახავენ ასე — Џ, џ, ხოლო რბილი ჯ გამოისახება შემდეგ ასოთა კომბინირებით — Џь, џь. მაგ.; аџыр [აჯირ] — ფოლადი. аџыш [აჯიშ] ნიორი, მაგრამ абџьар [აბჯ’არ] — იარაღი.