ჯინჯერ როჯერსი

ჯინჯერ როჯერსი Ginger Rogers
მეუღლე(ები)	ჯეკ პეპერი (1929-1931) ლიუ აირესი (1934-1941) ჯეკ ბრიჯი (1943-1949) ჯასქუეს ბერგერასი (1953-1957) ვილიამს მარშალი (1961-1969)

ჯინჯერ როჯერსი (Ginger Rogers) (16 ივლისი, 1911 – 25 აპრილი, 1995) ამერიკელი მსახიობი და მოცეკვავე. მის სამსახიობო და სასცენო კარიერაში, რომელიც 50 წელზე მეტხანს გრძელდებოდა იგი გადაიღეს 73 ფილმში, რომელთა შორისაც ათ ჰოლივუდურ მიუზიკლში მისი პარტნიორი იყო ფრედ ასტერი. ფრედ ასტერისა და ჯინჯერ როჯერსის სასცენო წყვილმა რევოლუცია მოახდინა მიუზიკლის ჟანრში.

ადრეული ბიოგრაფია

დაბადებისას ჯინჯერ როჯერსის სახელი იყო ვირჯინია ქეთრინ მაკმეთი; იგი დაიბადა ინდიპენდენსში დაიბადა, მისური, ედინს მაკმეთისა (შოტლანდიური ჩამომავლობის) და ლელ ოუენს მაკმეთის (უელსელი) ოჯახში. მისი დედ-მამა ადრევე გაიყარნენ და ჯინჯერი დედის მშობლებთან იზრდებოდა კანზას-სიტისთან.

მშობლებს ჯინჯერის მზრუნველობაზე სასამართლოში ჰქონდათ სარჩელი შეტანილი და საქმე იქამდეც მივიდა, რომ მამამისმა ჯინჯერი დედის დაუკითხავად სახლიდან მოიტაცა. ოფიციალური განქორწინების შემდეგ ჯინჯერი დედის მშობლებთან დარჩა, სანამ დედამისი ორი წლის განმავლობაში ჰოლივუდში სცენარებზე მუშაობდა. ბავშვობაში ჯინჯერის დეიდაშვილებს მისი სახელის ”ვირჯინია” გამოთქმა უჭირდათ და ამიტომ მას შემოკლებით ”ჯინჯა”-ს უძახდნენ.

როცა ჯინჯერი 9 წლის იყო დედამისი ცოლად ჯონ ლოგან როჯერსს გაჰყვა. ჯინჯერმა მამინაცვლის გვარი აიღო, თუმცა ეს ლეგალურად არასდროს გაუფორმებია. ამ პერიოდიდან ისინი ფორტ-უორზში, ტეხასი, ცხოვრობდნენ, სადაც დედამისი თეატრალური კრიტიკოსი ხდება ადგილობრივი გაზეთისთვის ”ფორტ-უორზ რეკორდი”.

ყმაწვილობაში ჯინჯერი სკოლაში მასწავლებლობაზე ოცნებობდა, თუმცა დედამისის ინტერესმა ჰოლივუდისა და თეატრისადმი ახალგაზრდა ჯინჯერს გადაწყვეტილება შეაცვლევინა. მაჯესტიკ თეატრის კულისებში დედის მომლოდინე ჯინჯერი სცენაზე შემსრულებლების ყურებით მალე სიმღერასა და ცეკვას იწყებს.

ვოდევილი

ჯინჯერი ვოდევილების პერიოდში, 1927.

ხუთი წლის შემდეგ მისი სცენური კარიერა დაიბადა ერთ ღამეს, როცა მოხეტიალე ვოდევილის დასი ”ედი ფოი” (ბობ ჰოუპი ასრულებდა ჯუჯის როლს ”შვიდ პატარა ჯუჯაში”) ჩამოვიდა ფორტ-უორზში და სწრაფად დასჭირდა მოცეკვავის შეცვლა. ჯინჯერი სინჯებზე წავიდა, გაიმარჯვა ჩარლსტონის კონკურსში და შემდეგ ვოდევილის ტურზე გაემართა. ის და ლელა (დედამისი) ტურით ოთხი წელი მოგზაურობდნენ. ამ პერიოდში ლელა ჯონ როჯერს დასცილდა, თუმცა გვარი დაიტოვა.

17 წლის ასაკში ჯინჯერი ჯეკ კალპეპერს, ცირკის ერთ-ერთი მოცეკვავე, გაჰყვა ცოლად. ქორწინება რამდენიმე თვეში დასრულდა და ჯინჯერმა კვლავ დედამისთან ერთად გააგრძელა საგასტროლო ტურებში მონაწილეობა. როცა ტური ნიუ-იორკში ჩავიდა, ის ქალაქში დარჩა. ჯერ რადიოში მღეროდა, შემდეგ ბროდვეის ერთ-ერთ თეატრში მიუზიკლში მოხვდა სახელწოდებით ”Top Speed”, რომელიც 1929 წლის შობადღეს გაიხსნა.

კინოკარიერა

ჯინჯერის პირველი კინო-როლი იყო მოკლემეტრაჟიანი ფილმების ტრილოგია 1929 წელს — Night in the Dormitory, A Day of a Man of Affairs, და Campus Sweethearts.

მიუზიკლი ”ტოპ სპიდ”-ის გახსნიდან ორ კვირაში ის აიყვანეს ჯორჯ გერშვინისა და აირა გერშვინის დადგმაში ”ქალი-გიჟი” (Girl Crazy) როლის შესასრულებლად. ქორეოგრაფიაში მოცეკვავეთათვის დასახმარებლად აყვანილ იქნა ფრედ ასტერი და მცირე ხნით ფრედი და ჯინჯერი ერთმანეთს ხვდებოდნენ კიდეც. ”ქალი-გიჟში” გამოჩენამ 19 წლის ჯინჯერი ერთ ღამეში ვარსკვლავად აქცია. 1930 წელს მას პარამაუნტ პიქჩერზმა შვიდ-წლიანი კონტრაქტი გაუფორმა.

როჯერსმა პარამაუნტის კონტრაქტს თავი მალევე დააღწია და დედამისთან ერთად ჰოლივუდისკენ გაემართა. კალიფორნიაში ჩასვლისას ის სამ კინოფილმიან კონტრაქვს აწერს ხელს კინოსტუდია პათესთან, რაც კრიტოკოებმა თითქმის უყურადღებოდა დატოვეს. 1933 წელს ის კინო-გარღვევას ახდენს უორნერ ბრაზერსის ”42-ე ქუჩა”-ში.

მომდევნო რამდენიმე უღიმღამო ფილმის შემდეგ ის შემთხვევით ისევ ხვდება ფრედ ასტერს. 1939 წელს ის ”დასაქორწინებელ დედა”-ში დევიდ ნივენთან პირისპირ ასრულებს როლს.

წლები ფრედ ასტერთან

ტოპ ჰეტ (1935) -- ჯინჯერისა და ფრედის მეოთხე ერთობლივი სურათი, რომელმაც მათ უზარმაზარი წარმატება მოუტანა.

ჯინჯერ როჯერსის ყველაზე ცნობილი წლები მისი ფრედ ასტერთან პარტნიორობა იყო. ერთად მათ შექმნეს ისეთი ფილმები, როგორიცაა Top Hat და Swing Time. ეს ფილმები, სიუჟეტის თვალსაზრისით საკმაოდ სუსტი იყო, თუმცა ფრედისა და ჯინჯერის ბრწყინვალე საცეკვაო შესრულება განუმეორებელ შთაბეჭდილებას ტოვებს. მათ პარტნიორობაზე კეტრინ ჰეპბერნს უთქვამს: ”ის (ჯინჯერი) მას სექსს აძლევს, ფრედი კი მას კლასსო”. თუმცა, მიუხედავად მათი სცენური შეყვარებულობის იმიჯისა, სცენის გარეთ ისინი მეგობრები არ ყოფილან. მიუხედავად ამისა, ”ფრედი და ჯინჯერი” ნებისმიერი წარმატებული საცეკვაო პარტრნიორობის თითქმის სინონიმი გახდა. მათი ბოლო ერთობლივი ფილმი 1939 წელს გამოვიდა.

1941 წელს ჯინჯერ როჯერსმა ამერიკის კინოაკადემიის ოსკარი მიიღო ქალის როლის საუკეთესო შესრულებისთვის 1940 წლის ფილმში ”კიტი ფოილი”. 1940 წელს მან 1000 აკრის რანჩო შეიძინა შეიდი-კოუვს, ორეგონსა და ეგლ-პოინტს შორის მდ. როუგზე, მედფორდიდან ჩრდილოეთით. ამ რანჩოში (მეტსახელად ”4რ” - Rogers' Rogue River Ranch) ის დედამისთან თითქმის 50 წელი ცხოვრობდა. როჯერსს უყვარდა მდინარეში თევზაობა ყოველ ზაფხულს. თუმცა 1990 წელს მან რანჩო გაყიდა და მედფორდში გადავიდა.

ჯინჯერი პოლიტუკურად მემარჯვენე რესპუბლიკელი იყო და მთელი ცხოვრება დედასთან, ლელა როჯერსთან (1891-1977) გაატარა, რომელიც თავის მხრივ ქრისტიანულ მეცნიერებას მისდევდა. ჯინჯერი დედამისთან ერთად გააფრთებული ანტი-კომუნისტები იყვნენ და ამ მხრივ საეჭვო პირებს ასმენდნენ ხოლმე ”თემთა პალატის არა-ამერიკული საქმიანობის გამოძიების კომისიასთან” (HUAC).

1929 წლის პირველი ქორწინების შემდეგ, ცეკვის პარტნიორ ჯეკ პეპერთან, 1931 წელს ის განქორწინდა, ხოლო 1934 წელს მეორედ იქორწინა, ამჯერად მსახიობ ლიუ ეირსთან (1908-1996); თუმცა ისინი მალევე დაშორდნენ ერთმანეთს, 1941 წელს კი ოფიციალურად განქორწინდნენ. 1943 წელს ის მესამედ თხოვდება ჯეკ ბრიგსზე, რომელიც საზღვაო ძალების ოფიცერი იყო; ისინი 1949 წელს განქორწინდნენ. 1953 წელს ჯინჯერი მეოთხედ თხოვდება იურისტ ჟაკ ბერჟერაკზე (16 წლით მასზე უმცროსი, რომელიც მოგვიანებით მსახიობი, შემდეგ კი კოსმეტიკური კომპანიის მმართველი გახდა); განქორწინდნენ 1957 წელს. 1961 წელს ჯინჯერი მეხუთედ ქორწინდება დირექტორსა და პროდიუსერ უილიამ მარშალზე, თუმცა რამდენიმე კვირაში შორდება, ხოლო 1969 წელს კი ოფიციალურად იღებს განქორწინების საბუთს.

ჯინჯერი მეგობრობდა ლიუსილ ბოლთან მრავალი წლის განავლობაში, ბოლის გარდაცვალებამდე 1989 წელს, 77 წლის ასაკში. ლიუსი ჯინჯერის პოლიტიკურ შეხედულებებს არ იზიარებდა, თუმცა უდაოდ მისი კომპანია სიამოვნებდა, ისევე როგორც ბეთ დევისს, დემოკრატს, რომელიც ჯინჯერს ”მორალისტს” უწოდებდა.

ჯინჯერი ზამთარს რანჩო-მირაჟზე, კალიფორნია, ატარებდა, ზაფხულს კი მედფორდში, ორეგონი. გარდაიცვალა 1995 წლის 25 აპრილს, დიაბეტის გართულების გამო, 83 წლის ასაკში რანჩო-მირაჟში. დაკრძალულია ოკვუდის მემორიალური პარკის სასაფლაოზე ჩატსუორზში, კალიფორნია.

ფილმოგრაფია

ჯინჯერის პორტრეტი ავტოგრაფით, 1943.

• Campus Sweethearts (1929) (მოკლემეტრაჟიანი)
• A Day of a Man of Affairs (1929) (მოკლემეტრ.)
• A Night in a Dormitory (1930) (მოკლემეტრ.)
• მანჰეტენელი ახალგაზრდა მამაკაცი (Young Man of Manhattan) (1930)
• The Sap from Syracuse (1930)
• Queen High (1930)
• Office Blues (1930) (მოკლემეტრ.)
• მიჰყევი ლიდერს (Follow the Leader) (1930)
• Honor Among Lovers (1931)
• The Tip-Off (1931)
• Suicide Fleet (1931)
• Carnival Boat (1932)
• The Tenderfoot (1932)
• Hollywood on Parade (1932) (მოკლემეტრ.)
• The Thirteenth Guest (1932)
• Screen Snapshots (1932) (მოკლემეტრ.)
• Hat Check Girl (1932)
• You Said a Mouthful (1932)
• 42nd Street (1933)
• Broadway Bad (1933)
• Hollywood on Parade No. 9 (1933) (მოკლემეტრ.)
• ოქროს მაძიებლები (Gold Diggers of 1933) (1933)
• Professional Sweetheart (1933)
• სიყვარულზე სანაძლეოს ნუ დადებ (Don't Bet on Love) (1933)
• A Shriek in the Night (1933)
• Rafter Romance (1933)
• Chance at Heaven (1933)
• Sitting Pretty (1933)
• Flying Down to Rio (1933) (*)
• Twenty Million Sweethearts (1934)
• Upperworld (1934)
• Finishing School (1934)
• Change of Heart (1934)
• The Gay Divorcee (1934) (*)
• Hollywood Newsreel (1934) (მოკლემეტრ.)
• Romance in Manhattan (1935)
• Roberta (1935) (*)
• Star of Midnight (1935)
• Top Hat (1935) (*)
• In Person (1935)
• Follow the Fleet (1936) (*)
• Swing Time (1936) (*)
• ვიცეკვოთ? (Shall We Dance) (1937) (*)
• Stage Door (1937)
• Vivacious Lady (1938)
• Having Wonderful Time (1938)
• უზრუნველი (Carefree) (1938) (*)
• The Story of Vernon and Irene Castle (1939) (*)
• გადათხოვარი დედა (Bachelor Mother) (1939)
• 5th Ave Girl (1939)
• Primrose Path (1940)
• Lucky Partners (1940)
• Kitty Foyle (1940)
• Tom Dick and Harry (1941)
• Roxie Hart (1942)
• მანჰეტენის ისტორიები (Tales of Manhattan) (1942)
• The Major and the Minor (1942)
• ერთხელ, თაფლობისთვეს (Once Upon a Honeymoon) (1942)
• Show Business at War (1943) (მოკლემეტრ.)
• Tender Comrade (1943)
• Lady in the Dark (1944)
• Battle Stations (1944) (მოკლემეტრ.)
• I'll Be Seeing You (1945)
• Week-End at the Waldorf (1945)
• Heartbeat (1946)
• Magnificent Doll (1946)
• It Had to Be You (1947)
• The Barkleys of Broadway (1949) (*)
• Screen Snapshots: The Great Showman (1950) (მოკლემეტრ.)
• Perfect Strangers (1950)
• Storm Warning (1951)
• The Groom Wore Spurs (1951)
• We're Not Married! (1952)
• Dreamboat (1952)
• Monkey Business (1952)
• Forever Female (1953)
• Screen Snapshots: Hollywood's Great Entertainers (1953) (მოკლემეტრ.)
• Black Widow (1954)
• Beautiful Stranger (1954)
• Tight Spot (1955)
• The First Traveling Saleslady (1956)
• Oh, Men! Oh, Women! (1957)
• The Confession (1964)
• Harlow (1965)

(*) - ფრედ ასტერთან.

რესურსები ინტერნეტში

• ჯინჯერ როჯერსის ოფიციალური ვებ-გვერდი