ვანის არქეოლოგიური მუზეუმ-ნაკრძალი: განსხვავება გადახედვებს შორის

ვანის არქეოლოგიური მუზეუმი
	42°05′08″ ჩ. გ. 42°30′17″ ა. გ. / 42.0855889° ჩ. გ. 42.5047750° ა. გ.
დაარსდა	1985
ქვეყანა	საქართველო
დამაარსებლები	ოთარ ლორთქიფანიძე
მდებარეობა	ვანი
სტატუსი	ისტორიული
ექსპონატი	4000-ზე მეტი
ვიზიტორები	5909
დირექტორი	ომარ გაბუნია

ისტორიის ინტერაქციულად გადახედვა

[შემოწმებული ვერსია]

← წინა ცვლილება შემდეგი ცვლილება →

14:43, 27 აგვისტო 2021-ის ვერსია

ვანის არქეოლოგიური მუზეუმ-ნაკრძალი — საქართველოს ეროვნული მუზეუმის ფილიალი ვანში. მდებარეობს ვანის ანტიკური ნაქალაქარის მიდამოებში.

ისტორია

ვანის არქეოლოგიური მუზეუმი 1985 წლის 25 სექტემბერს დაფუძნდა ვანის არქეოლოგიური ექსპედიციის ხელმძღვანელის, აკადემიკოს ოთარ ლორთქიფანიძის ინიციატივით. მუზეუმის გახსნას დაემთხვა შავიზღვისპირეთის პრობლემებისადმი მიძღვნილი მსოფლიო არქეოლოგთა საერთაშორისო სიმპოზიუმი, რომელიც ტარდება ყოველ მესამე წელს. სწორედ ოთარ ლორთქიფანიძის უდიდესი ღვაწლის გამო, რომელიც მან ვანის ნაქალაქარს და საერთოდ ქართულ არქეოლოგიას შეალია, ვანის არქეოლოგიური მუზეუმი დღეს მის სახელს ატარებს. 2020 წელს გაიხსნა მუზეუმის განახლებული შენობა, რომელიც საერთაშორისო სტანდარტების დონისაა და უსაფრთხოების დაცვის თანამედროვე სისტემებითაა აღჭურვილი.

ექსპონატები

ვანის არქეოლოგიურ მუზეუმში ინახება 1985 წლიდან ჩატარებული არქეოლოგიური გათხრების შედეგად მოპოვებული მასალის უმეტესობა. ვანში აღმოჩენილი მდიდრული სამარხების ინვენტარის საფუძველზე 1987 წელს მუზეუმში გაიხსნა ოქროს ფონდი, რომელშიც ინახება ოქრომჭედლობის უნიკალური ნიმუშები ვანის ნაქალაქარიდან. ვანის არქეოლოგიური მუზეუმის სტაციონარული ექსპოზიცია ასახავს ვანის ტერიტორიაზე არსებული კულტურის განვითარების პერიოდს ძვ. წ. VIII ს-დან I ს-ის ჩათვლით (ბრინჯაოს ქანდაკებები, მათი ცალკეული ფრაგმენტები, ოქროს, ვერცხლისა და ბრინჯაოს ნაკეთობანი, ნუმიზმატიკის ნიმუშები და სხვ.).

საკონტაქტო ინფორმაცია

მუზეუმის მისამართია ოთარ ლორთქიფანიძის ქ. 32 (ყოფ. ვახტანგ გორგასლის ქ. 7). ტელეფონი: (+995 432) 221602. მუშაობს ყოველდღე, ორშაბათის გარდა, 11 სთ-დან 16 სთ-მდე.