სტივენ ჯონსი

სტივენ ჯონსი — (დ. 1952) — ამერიკელი ისტორიკოსი, მასაჩუსეტსის შტატის „მაუნტ ჰოლიოკის“ კოლეჯის პროფესორი, რუსისტი. ჯონსი ავტორია რამდენიმე წიგნისა კავკასიის ისტორიის და პოლიტიკის შესახებ. ის საბჭოთა და რუსულ პოლიტიკას ასწავლიდა კალიფორნიის სანტა-კრუზის, ლონდონისა და ოქსფორდის უნივერსიტეტებში. ავტორია რამდენიმე წიგნისა საქართველოს ისტორიის შესახებ, არის ქართლის ცხოვრების ინგლისური თარგმანის რედაქტორი. 2011 წელს ჯონსი საქართველოს მეცნიერებათა აკადემიის უცხოელ წევრად აირჩიეს. იმავე წელს მას თბილისის სახელმწიფო უნივერსიტეტის საპატიო დოქტორის წოდება მიენიჭა. ილიას სახელმწიფო უნივერსიტეტში ჯონსი კითხულობს ლექციებს თანამედროვე საქართველოს ისტორიის სამაგისტრო პროგრამაზე.

ბიბლიოგრაფია

• 2014: The Making of Modern Georgia: The First Georgian Republic and Its Successors, 1918–2010, ლონდონი, Routledge, 2014 „თანამედროვე საქართველოს დაბადება: პირველი ქართული რესპუბლიკა და მისი მემკვიდრეები, 1918-2010″
• 2012: Georgia: A Political History of Independence, ლონდონი: I.B. Tauris, „საქართველო: პოლიტიკური ისტორია დამოუკიდებლობის გამოცხადების შემდეგ“
• 2010: War and Revolution in the Caucasus: Georgia Ablaze, ლონდონი: Routledge, „ომი და რევოლუცია კავკასიაში: საქართველო ცეცხლის ალში”
• 2005: Socialism in Georgian Colors: The European Road to Social Democracy, 1883–1917, კემბრიჯი: Harvard University Press, „სოციალიზმი ქართულ ფერებში: ევროპული გზა სოციალ-დემოკრატიისკენ (1883-1917)“

რესურსები ინტერნეტში

• სტივენ ჯონსი
• სტივენ ჯონსი
• სტივენ ჯონსი პირველი რესპუბლიკის შესახებ