მომხმარებელი:Saliner/მეამა

მეამა

დაფუძნდა	2016
სათავო ოფისი	საქართველო
პროდუქცია	ყავა

მეამა — ყავის პროდუქციის მწარმოებელი ქართული კომპანია. დაარსდა 2016 წელს, თბილისში. აწარმოებს ამერიკანოს და ესპრესოს 15 სახეობის ყავის კაფსულას, ასევე, წმინდად დაფქულ ყავას. კომპანიის შენობა, რომელიც მოიცავს, როგორც რეგიონში პირველ ყავის ქარხანას, ისე ოფისების სივრცეს, განთავსებულია 30 000 კვადრატულ მეტრზე. მისი მშენებლობა დაიწყო 2017 წლის მარტში და დასრულდა 2018 წლის სექტემბერში.

კომპანიაში დასაქმებულია 120 ადამიანი.

პროდუქცია

კომპანიას აქვს სამი სახის პროდუქცია: ყავის კაფსულები ესპრესოსა და ამერიკანოს ყავის აპარატებისთვის, წმინდად დაფქული (თურქული) ყავა და ყავის მარცვლები. გარდა ამისა, მეამა ბაზარზე ყიდის სპეციალურად მათთვის დამზადებულ ყავის აპარატებს.

ყავის კაფსულები

მეამა აწარმოებს 6 სახეობის ევროპული სტანდარტის (ესპრესო) და 9 სახეობის ამერიკული სტანდარტის (ამერიკანო) ყავის კაფსულებს. თითოეული მათგანი განსხვავდება კოფეინის შემცველობით, მოხალვის ტიპით, ენერგეტიკული ღირებულებით და არომატით.

ყავის აპარატები

როგორც ევროპული (ესპრესო), ისე ამერიკული სტანდარტის (ამერიკანო) კაფსულებით ყავის მოსამზადებლად საჭიროა შესაბამისი ყავის აპარატი. კომპანია მეამა ორივე სახის აპარატს სთავაზობს მომხმარებელს.

ამერიკანოს ყავის აპარატი – 180-240 მლ, ხოლო ესპრესოსი კი 40-110 მლ მოცულობის ყავის პორციებს ამზადებს.

წმინდად დაფქული ყავა

მეამა უშვებს 4 სახობის წმინდად დაფქულ (თურქულ) ყავას. პროდუქცია იყიდება 15 პაკეტიან შეკვრებად. ერთი პაკეტის წონა 6,5 გრამს შეადგენს.

ყავის მარცვლები

მეამა 250 და 500 გრამიანი შეფუთვით სამი სახეობის ყავის მარცვლებს ყიდის.

აპლიკაცია და ყავის ავტომატი

მეამამ ბაზარზე დანერგა ინოვაციური ყავის ავტომატი, ე.წ. „მეამა დროფერი“, რომელიც უნიკალურია მსოფლიოში. ავტომატიდან ყავის შეძენა შესაძლებელია QR ტექნოლოგიის გამოყენებით — „მეამა დროფერზე“ განთავსებული QR კოდის სკანირებით. ამისათვის საჭიროა მომხმარებელს მობილურ მოწყობილობაში ჩაწერილი ჰქონდეს მეამას აპლიკაცია. აპლიკაცია თავსებადია როგორც Android, ისე iOS ოპერაციულ სისტემებთან.

შენობა

კომპანია მეამას შენობა მდებარეობს თბილისში, კახეთის გზატკეცილზე. შენობაში განლაგებულია როგორც კომპანიის სათავო ოფისი, ისე ყავის ქარხანა.

გარედან შენობას აქვს ბეტონის ერთიანი ტეხილი გარსი. ინტერიერი წარმოადგენს ერთიან, უწყვეტ სივრცეს მინის ტიხრებით, რომლებიც სხვადასხვა ფუნქციურ ზონებს ერთმანეთისგან გამოყოფს. შენობის სახურავი სრულად არის დაფარული ბუნებრივი მცენარეული საფარით.

2018 წელს მეამას შენობა წარდგენილი იყო 2019 წელს ის გახდა ArchDaily&Strelka Award-ის გამარჯვებული გახდა საუკეთესო ინდუსტრიული შენობის კატეგორიაში. შენობის პროექტი ეკუთვნის ქართველ არქიტექტორ გიორგი ხმალაძეს და მის არქიტექტურულ კომპანია Giorgi Khmaladze Architects-ს, ხოლო სამშენებლო სამუშაოები კომპანია ,,იუნიქს დეველოპმენტმა“ განახორციელა.