ნიკორწმინდა

სოფელი
ნიკორწმინდა
სოფელ ნიკორწმინდის ხედი ჯაბა ლაბაძის სურათი
ქვეყანა	საქართველო
მხარე	რაჭა-ლეჩხუმისა და ქვემო სვანეთის მხარერაჭა-ლეჩხუმისა და ქვემო სვანეთის მხარე
მუნიციპალიტეტი	ამბროლაურის მუნიციპალიტეტი
კოორდინატები	42°27′43″ ჩ. გ. 43°05′23″ ა. გ.
ცენტრის სიმაღლე	1180 მ
ოფიციალური ენა	ქართული ენა
მოსახლეობა	498 კაცი (2014)
ეროვნული შემადგენლობა	ქართველები 99,6 %
სასაათო სარტყელი	UTC+4
სატელეფონო კოდი	+995
ნიკორწმინდა ვიკისაწყობში

ნიკორწმინდა — სოფელი საქართველოში, რაჭა-ლეჩხუმისა და ქვემო სვანეთის მხარის ამბროლაურის მუნიციპალიტეტში. თემის ცენტრი (სოფელი: კაჩაეთი, დაბა: ხარისთვალა). მდებარეობს რაჭის ქედის ჩრდილოეთ კალთაზე, ზღვის დონიდან 1180 მ სიმაღლეზე, შაორის წყალსაცავის ჩრდილოეთით. ამბროლაურიდან 16 კილომეტრში. სოფელში არის საჯარო სკოლა

სოფელი ნიკორწმინდა ექვემდებარება საქართველოს საპატრიარქოს ნიკორწმინდის ეპარქიას.

დემოგრაფია

2014 წლის აღწერის მონაცემებით სოფელში ცხოვრობს 498 ადამიანი.

აღწერის წელი	მოსახლეობა	კაცი	ქალი
2002	726	322	404
2014	498	235	263

ისტორია

სოფელმა სახელწოდება მიიღო XI საუკუნეში აქ აგებული ნიკოლაოსწმიდის ეკლესიისაგან. შუა საუკუნეებში ნიკორწმინდა ნიკორწმიდის საეპისკოპოსოს ცენტრი იყო. ამჟამად ნიკორწმინდის ეპარქიის ცენტრია. აღმოსავლეთ საქართველოში ირანის აგრესიის დროს XVII საუკუნეში ერთ ხანს თავს აფარებდა მეფე თეიმურაზ I.

ღირსშესანიშნაობები

სოფელში დგას XI საუკუნის ნიკორწმინდის ტაძარი. სოფლიდან სამხრეთ დასავლეთით 2 კმ-ზე არის საყინულის მღვიმე. სოფლიდან დასავლეთით 4-5 კილომეტრის დაშორებით არის ჭელიშის უდაბნოს ნამონასტრალი.

ლიტერატურა

• ქართული საბჭოთა ენციკლოპედია, ტ. VII, თბ., 1984. — გვ. 435.