კრუბერის გამოქვაბული

კრუბერის გამოქვაბული
კოორდინატები: 43°24′35″ ჩ. გ. 40°21′44″ ა. გ.
ქვეყანა	საქართველო
ტერიტორიული ერთეული	აფხაზეთის ავტონომიური რესპუბლიკა გაგრის რაიონი
აბსოლუტური სიმაღლე	2320 მ
სიგრძე	13,432 მ
სიღრმე	2197 მ
აღმოჩენის წელი	1960
შესასვლელთა რაოდენობა	5
ტიპი	კარსტული
ამგებელი ქანები	კირქვა
სურათები ვიკისაწყობში

კრუბერის გამოქვაბული, ვორონია-კრუბერის გამოქვაბული — კარსტული მღვიმე საქართველოში, აფხაზეთის ავტონომიურ რესპუბლიკაში, ბერჭილის ქედზე, ორთაბალაგანის აღმოსავლეთ ხეობის ზემო ნაწილში. კრუბერის გამოქვაბული სიღრმით მსოფლიოში მეორე ადგილზეა ვერიოვკინის მღვიმის შემდეგ. შესასვლელი ზღვის დონიდან 2320 მ-ზე მდებარეობს. გამომუშავებულია ქვედაცარცულ კირქვებში. მღვიმე წარმოადგენს სუბვერტიკალური ტიპის სიღრუეს. მღვიმეში გვხვდება მინიატურული სტალაქტიტები, სტალაგმიტები, ფარდები, ადგილობრივი წარმოშობის ნგრეული და გამოფიტვის მასალა. ჰავა სტატიური. არის ასევე წყლის ნაკადები და პატარა ტბები. კრუბერის უფსკრულის წყლებით საზრდოობს მდინარე რეპრუა. მღვიმეში ბინადრობენ მრავალფეხა ჭიები, ხოჭოები და სხვა. სახელი ეწოდა ალექსანდრე კრუბერის პატივსაცემად.

ლიტერატურა

• ყიფიანი შ., ტინტილოზოვი ზ., ოქროჯანაშვილი არს., ჯიშკარიანი ვ., საქართველოს კარსტული მღვიმეების კადასტრი, თბ., 1966.