Magnavox Odyssey

Magnavox Odyssey
მწარმოებელი	Magnavox
ტიპი	სახლის ვიდეო თამაშების კონსოლი
თაობა	პირველი თაობა
გამოშვების თარიღი	ჩრდ.ამ. სექტემბერი, 1972 ევრ 1973
საცალო გაყიდვაში	1972-1975
თავდაპირველი ფასი	99 აშშ დოლარი
შეწყდა	1975
გაიყიდა	350, 000
კონტროლერის შეტანა	ორი პადლი
შემდეგი	Magnavox Odyssey²

Magnavox Odyssey — პირველი კომერციული სახლის ვიდეო თამაშების კონსოლი, გამოცემული კომპანია Magnavox-ის მიერ 1972 წელს აშშ-ში, ხოლო ევროპაში 1973-ში. კონსოლი შემუშავებული იქნა მცირე ჯგუფის მიერ, რომელსაც ხელმძღვანელობდა რალფ ბაერი. Odyssey არის თეთრი, შავი და ყავისფერი ყუთი, რომელიც უერთდება სტანდარტულ ტელევიზორს და თან ახლავს ორი მართკუთხა კონტროლერი. მას შეუძლია ეკრანზე გამოსახოს სამი კვადრატული წერტილი შავ-თეთრ რეჟიმში თანხლები ხმის გარეშე. მოთამაშეები ეკრანზე ათავსებენ პლასტიკურ გადასაკრავს ვიზუალური ეფექტების მისაღებად, სადაც ერთი ან ორი მოთამაშე აკონტროლებს თავიანთ წერტილებს კონტროლერზე არსებული სამი ღილაკის საშუალებით. კონსოლისთვის აგრეთვე შემუშავდა მსოფლიოში პირველი სინათლის პისტოლეტი, რომელიც იყიდებოდა ცალკე.

კონსოლის შექმნის იდეა ბაერს 1966 წლის აგვისტოში მოუვიდა და სამი წლის განმვალობაში მან, ბილ ჰარისონთან და ბილ რაშტან ერთად შექმნა კონსოლის შვიდი წარმატებული პროტოტიპი. მეშვიდე პროტოტიპი, ცნობილი როგორც „Brown Box“, (ქართ. ნაცრისფერი ყუთი) ნაჩვენები იქნა რამდენიმე მწარმოებლისთვის, რის შემდეგაც 1971 წლის იანვარში კომპანია Magnavox დათანხმდა მის წარმოებას. კონსოლი გამოვიდა 1972 წლის სექტემბერში და წლის ბოლოს გაყიდვებმა 69,000-დან 100,000-მდე ასლს მიაღწია. მთლიანობაში გაიყიდა 350,000 ასლი და 1975 წელს მისი წარმოება შეწყდა. 1978 წელს ამას მოჰყვა ახალი კონსოლის, Magnavox Odyssey²-ის გამოცემა. 28 შექმნილი თამაშიდან ერთ-ერთი, კერძოდ პინგ-პონგი-ს სიმულაცია, იქცა Atari-ის წარმატებული არკადული თამაშის, „Pong“-ის შთაგონების წყაროდ. Odyssey-ს გამოშვებამ განაპირობა ვიდეო თამაშების ინდუსტრიის კომერციულად ზრდა და საფუძველი ჩაუყარა პირველი თაობის ვიდეო თამაშების კონსოლების ეპოქას.

თამაშები

არსებობის განმავლობაში სისტემისთვის შეიქმნა 28 თამაში, რომელიც ვრცელდებოდა 11 განსხვავებული სათამაშო ბარათის მეშვეობით.

სათაური	სათამაშო ბარათი	აშშ-ის ვერსია	საერთაშორისო ვერსია
„Table Tennis“	1	ჩაშენებული კონსოლში	ჩაშენებული კონსოლში
„Ski“	2	ჩაშენებული კონსოლში	ჩაშენებული კონსოლში
„Simon Says“	2	ჩაშენებული კონსოლში	ჩაშენებული კონსოლში
„Tennis“	3	ჩაშენებული კონსოლში	ჩაშენებული კონსოლში
„Analogic“	3	ჩაშენებული კონსოლში	ჩაშენებული კონსოლში
„Hockey“	3	ჩაშენებული კონსოლში	ჩაშენებული კონსოლში
„Football“	3, 4	ჩაშენებული კონსოლში	არ არის
„Cat and Mouse“	4	ჩაშენებული კონსოლში	იყიდებოდა განცალკევებით
„Haunted House“	4	ჩაშენებული კონსოლში	იყიდებოდა განცალკევებით
„Submarine“	5	ჩაშენებული კონსოლში	ჩაშენებული კონსოლში
„Roulette“	6	ჩაშენებული კონსოლში	იყიდებოდა განცალკევებით
„States“	6	ჩაშენებული კონსოლში	არ არის
„Fun Zoo“	2	იყიდებოდა განცალკევებით	არ არის
„Baseball“	3	იყიდებოდა განცალკევებით	არ არის
„Invasion“	4, 5, 6	იყიდებოდა განცალკევებით	არ არის
„Wipeout“	5	იყიდებოდა განცალკევებით	ჩაშენებული კონსოლში
„Volleyball“	7	იყიდებოდა განცალკევებით	ჩაშენებული კონსოლში
„Soccer“	8	არ არის	ჩაშენებული კონსოლში
„Handball“	8	იყიდებოდა განცალკევებით	არ არის
„Prehistoric Safari“	9	იყიდებოდა სინათლის პისტოლეტთან ერთად	იყიდებოდა სინათლის პისტოლეტთან ერთად
„Dogfight!“	9	იყიდებოდა სინათლის პისტოლეტთან ერთად	იყიდებოდა სინათლის პისტოლეტთან ერთად
„Shootout!“	9	იყიდებოდა სინათლის პისტოლეტთან ერთად	იყიდებოდა სინათლის პისტოლეტთან ერთად
„Shooting Gallery„	10	იყიდებოდა სინათლის პისტოლეტთან ერთად	იყიდებოდა სინათლის პისტოლეტთან ერთად
„Percepts“	2	უფასოდ	არ არის
„Brain Wave“	3	იყიდებოდა განცალკევებით (1973)	არ არის
„W.I.N.“	4	იყიდებოდა განცალკევებით (1973)	არ არის
„Basketball“	8	იყიდებოდა განცალკევებით (1973)	არ არის
„Interplanetary Voyage“	12	იყიდებოდა განცალკევებით (1973)	არ არის

გალერეა

• 
  Magnavox Odyssey
• 
  Odyssey-ის კონტროლერი
• პლასტიკური გადასაფარებელი
  პლასტიკური გადასაფარებელი
• 
  პროტოტიპი „Brown Box“
• 
  Magnavox Odyssey-ის კარტრიჯი #6

ლიტერატურა

• DeMaria, Rusel; Wilson, Johnny L. (დეკემბერი, 2003) High Score!: The Illustrated History of Electronic Games, 2nd, McGraw-Hill Education. ISBN 978-0-07-223172-4. 
• Donovan, Tristan (2010-04-20). Replay: The History of Video Games. Yellow Ant. ISBN 978-0-9565072-0-4. 
• Goldberg, Marty; Vendel, Curt (2012-11-25) Atari Inc.: Business Is Fun. Syzygy Press. ISBN 978-0-9855974-0-5. 
• Wolf, Mark J. P. (2012-06-05). Before the Crash: Early Video Game History. Wayne State University Press. ISBN 978-0-8143-3450-8. 
• Wolf, Mark J. P. (2007-11-30). The Video Game Explosion: A History from PONG to PlayStation and Beyond. Greenwood Publishing Group. ISBN 978-0-313-33868-7. 

რესურსები ინტერნეტში

• შეგიძლიათ იხილოთ მედიაფაილები თემაზე „Magnavox Odyssey“ ვიკისაწყობში.
• Magnavox Odyssey
• Magnavox Odyssey-ის ისტორია
• Magnavox Odyssey FAQ
• Odyssey-ის შექმნის ისტორია