თბილისის სამხედრო ცენტრი

თბილისის სამხედრო ცენტრი — რუსეთის ოკუპაციისაგან საქართველოს გამოსახსნელად აჯანყების მოსამზადებელი სამხედრო ორგანო, რომელიც 1922 წელს შექმნა დამოუკიდებლობის კომიტეტმა.

შემადგენლობაში შედიოდა პატრიოტულად განწყობილი საკადრო სამხედროები. ცენტრი ენერგიულად შეუდგა აჯანყების მომზადებას, მაგრამ 1923 წლის თებერვალში იგი გასცა ეროვნული-დემოკრატიული პარტიის სტუდენტური ორგანიზაციის წევრმა კ. მესაბიშვილმა. ცენტრის წევრები დააპატიმრეს და დახვრიტეს. მას შემდეგ იყვნენ ცენტრის მეთაურები, გენერლები:კ. აფხაზი, ა. ანდრონიკაშვილი და ვ. წულუკიძე; ოფიცრები: რ. მუსხელიშვილი, გ. ხიმშიაშვილი, ე. გულისაშვილი, ა. მაჭავარიანი, ლ. ჩრდილელი, ს. მუხრანბატონი, ფ. ყარალაშვილი, ლ. კლიმიაშვილი, მ. ზანდუკელი, ი. კერესელიძე ს. ჭიაბერიშვილი და ი. ქუთათელაძე. დამკომმა აჯანყების ხელმძღვანელობისთვის სამხედრო ცენტრის ნაცვლად სამხედრო კომისია შექმნა.

ლიტერატურა

• ენციკლოპედია თბილისი, თბ., 2002, გვ. 784.