რამაზ ფალიანი

რამაზ ფალიანი (დ. 31 აგვისტო, 1973, მესტია, საქართველო) — ქართველი სპორტსმენი (კრივი). მსოფლიოს ჩემპიონი (2001) და ორგზის მესამე პრიზიორი (1993, 1999), ევროპის სამგზის ჩემპიონი (1996, 1998, 2000), "კეთილი ნების თამაშებში" გამარჯვებული (1994), XXV ოლიმპიური თამაშების მესამე პრიზიორი (1992, ბარსელონა), XXVI და XXVII ოლიმპიური თამაშების მონაწილე (1996, ატლანტა და 2000, სიდნეი — ორივე შემთხვევაში მეხუთე ადგილზე გავიდა), ხმელთაშუა ზღვის ქვეყნების ჩემპიონი (2000), ახალგაზრდებს შორის ევროპის ჩემპიონი (1989). სხვადასხვა დროს გამოდიოდა რუსეთისა (1993-1996) და თურქეთის სახელით (1997-2001). არის სსრკ, რუსეთისა და თურქეთის ჩემპიონი. 2002 წლიდან გადავიდა პროფესიულ კრივში, სადაც გამოდის საქართველოს სახელით. არის ABF-ის საჩემპიონო ქამრის მფლობელი. სსრკ სპორტის დამსახურებული ოსტატი.

ძირითადი შედეგები

წელი	ტურნირი	მასპინძელი	წონითი კატეგორია	ადგილი
1992	ზაფხულის XXV ოლიმპიური თამაშები	ბარსელონა, ესპანეთი	-57 კგ	03 
1993	მსოფლიო ჩემპიონატი	ტამპერე ფინეთი	-57 კგ	03 

რესურსები ინტერნეტში

• რამაზ ფალიანი — ქართული სპორტის სტატისტიკა
• რამაზ ფალიანი — საქართველოს ეროვნული ოლიმპიური კომიტეტი