ალფ-არსლანი

ალფ-არსლან ბენ ჩაღრი (* 1029; † 15 დეკემბერი 1072) – თურქ-სელჯუკთა სულთანი 1063-1072 წლებში.

ალფ-არსლანი სელჯუკთა სულთნის თოღრულ ბეგის ძმის ჩაღრი ბეგის შვილი იყო. მან შეძლო მანამდე დანაწევრებული სელჯუკთა სამფლობელოების ერთ, ცენტრალიზებულ სახელმწიფოდ გაერთიანება. ალფ-არსლანმა საქართველოში ორჯერ ილაშქრა. 1064 წელს მან ჯერ სომხეთი დალაშქრა და ქალაქი ანისი აიღო. გადმოცემის თანახმად ალფ-არსლანმა სომეხ ტყვეებს თავები დააჭრა. სისხლით აუზი გაავსო და მასში იბანავა. სომხეთიდან წამოსული ალფ-არსლანი მესხეთს შემოესია, ახალქალაქი აიღო და გადაბუგა. 1068 წელს კი კახეთი დალაშქრა.

1071 წელს ალფ-არსლანმა მანციკერტის ბრძოლაში დაამარცხა ბიზანტიელები და იმპერატორი რომანოზ IV დიოგენე ტყვედ ჩაიგდო ხელში.