საქართველოს გენერალური პროკურატურა

საქართველოს მთავარი პროკურატურა
პროკურატურის ემბლემა
უწყების შესახებ
წინამორბედი უწყება	საქართველოს გენერალური პროკურატურა
მინისტრი	თეა წულუკიანი
უწყების ხელმძღვანელი	ირაკლი შოთაძე, საქართველოს მთავარი პროკურორი
უწყების ტიპი	პროკურატურა
საიტი
საქართველოს მთავარი პროკურატურა

საქართველოს პროკურატურა — საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულება, რომელიც თავის უფლებამოსილებას ახორციელებს საქართველოს კანონმდებლობით განსაზღვრულ ფარგლებში. საქართველოს მთავარი პროკურატურის ძირითადი მიმართულებებია:

• კანონით გათვალისწინებულ შემთხვევებში სრული მოცულობით წინასწარი გამოძიების ჩატარება;
• ოპერატიულ-სამძებრო ორგანოების საქმიანობისას კანონის ზუსტ და ერთგვაროვან შესრულებაზე ზედამხედველობა;
• სისხლის სამართლებრივ დევნა;
• სისხლის სამართლებრივი დევნის განხორციელების უზრუნველსაყოფად წინასწარი გამოძიების სტადიაზე საპროცესო ხელმძღვანელობის განხორციელება;
• თავისუფლებააღკვეთილ პირთა უფლებების დარღვევის ფაქტების შემოწმება და საპროცესო მოვალეობების დაკავება, წინასწარი პატიმრობის, თავისუფლების შეზღუდვის ან აღკვეთის ადგილებსა და სხვა დაწესებულებებში, რომლებიც აღასრულებენ სასჯელს ან სასამართლოს მიერ დანიშნულ სხვა იძულებით ღონისძიებებს;
• სასამართლოში სისხლის სამართლის საქმეში მონაწილეობა როგორც მხარე - სახელმწიფო ბრალდება;
• დანაშაულის წინააღმდეგ ბრძოლის კოორდინაცია;
• ადამიანის უფლებათა დაცვის ღონისძიებათას განხორციელების უზრუნველყოფა;
• უცხო სახელმწიფოს ტერიტორიაზე საგამოძიებო და სხვა საპროცესო მოქმედებების და ასეთი მოქმედებების უცხო სახელმწიფოს კომპეტენტური ორგანოების თხოვნით საქართველოს ტერიტორიაზე ჩატარება, ასევე სისხლის სამართლის პასუხისგებაში მიცემისა და სასჯელის მოხდის მიზნით უცხო სახელმწიფოდან საქართველოს მოქალაქის გადმოცემა და ამავე მიზნით უცხო სახელმწიფოსათვის მისი მოქალაქის გადაცემა;
• „პროკურატურის შესახებ“ საქართველოს კანონითა და სისხლის სამართლის საპროცესო კანონმდებლობით გათვალისწინებულ სხვა უფლებამოსილებების განხორციელება.

საქართველოს გენერალური პროკურორები

• ნუგზარ გაბრიჩიძე, 30 ნოემბერი, 2001 - 14 იანვარი, 2004

საქართველოს გენერალური პროკურატურა 2004 წლამდე სასამართლო ხელისუფლების ნაწილი იყო.

• ირაკლი ოქრუაშვილი, 14 იანვარი, 2004 – 7 ივნისი, 2004
• ზურაბ ადეიშვილი, 10 ივნისი, 2004 – 26 აპრილი, 2007
• ზურაბ ბიბილაშვილი, 26 აპრილი, 2007 – 31 იანვარი, 2008
• ეკა ტყეშელაშვილი, 31 იანვარი, 2008 - 11 ნოემბერი, 2008
• მამუკა გვარამია, 11 ნოემბერი, 2008 – 28 სექტემბერი, 2009
• მურთაზ ზოდელავა, 28 სექტემბერი, 2009 - 8 ოქტომბერი, 2012

2008 წლის 10 ოქტომბერს უწყება შეუერთდა იუსტიციის სამინისტროს.

საქართველოს მთავარი პროკურორები

2013 წლის 25 ივნისს გენერალური პროკურატურა განაცალკევეს იუსტიციის სამინისტროსგან.

• არჩილ კბილაშვილი, 8 ოქტომბერი, 2012 – 7 ნოემბერი, 2013
• ოთარ ფარცხალაძე, 7 ნოემბერი, 2013 – 30 დეკემბერი, 2013
• ირაკლი შოთაძე (მოვალეობის შემსრულებელი), 30 დეკემბერი, 2013 – 21 იანვარი, 2014
• გიორგი ბადაშვილი, 21 იანვარი, 2014 – 19 ნოემბერი, 2015
• ირაკლი შოთაძე, 19 ნოემბერი, 2015 – დღემდე