იოზუა კიმიხი

ჯოშუა კიმიჰი (გერ. Joshua Kimmich; 8 თებერვალი 1995, როტვაილი, გერმანია) გერმანელი ფეხბურთელი,  მიუნხენის "ბავარიის" ნახევარმცველი.

კარიერა

კიმიჰმა ფეხბურთის თამაში დაიწყო VfB Bösingen–ში ,ქალაქ Besingen–ში,როტვაილის რაიონში. 12 წლის ასაკში ჯოშუა "შტუტგარტის" ახალგაზრდული ნაკრების მოთამაშე გახდა. ყველა ასაკის გავლის შემდეგ, კულმინაციურ სეზონში, 2012–2013 წლებში, მან ითამაშა ახალგაზრდული ბუნდესლიგა.

2013-2014 წლებში ის უკვე იწყებს თამაშს RB Leipzig–ში,სადაც ღებულობს ორწლიან კონტრაქტს,რომელიც იმ შემთხვევაში გაგრძელდება კიდევ ორი წლით,თუ "შტუტგარტი" არ გამოიყენებს გამოსყიდვის შესაძლებლობას .RB Leipzig–ში თავის პირველ სეზონზე კიმიჰმა უმაღლეს დონეზე ითამაშა  26 მატჩში  და გაიტანა1 გოლი. მისი დებიუტი შედგა 2013 წლის 28 სექტემბერს,როდესაც Unterhaching–ის წინააღმდეგ თამაშში 55–ე წუთზე შეცვალა ტიაგო როკენბაჰი. თამაში დასრულდა ანგარიშით: 2:2.  

თავის პროფესიონალურ კარიერაში პირველი გოლი ჯოშუამ გაიტანა 2013 წლის 30 ნოემბერს,როდესაც თამაშობდა "ზაარბრიუკენის" წინააღმდეგ,თამაში დამთავრდა ანგარიშით: 3:2. ყველა მატჩში,რომელშიც ჯოშუა თამაშობდა,იყო სასტარტო შემადგენლობაში. მეორე ბუნდესლიგაზე მისი დებიუტი შედგა 2014 წლის 10 აგვისტოს "მიუნჰენ 1860–ის" წინააღმდეგ.  (ანგარიში: 3:0).

"ბავარია"

2015 წლის 2 იანვარს ცნობილი გახდა,რომ კიმიჰი ზაფხულიდან დაიწყებდა "ბავარიაში" თამაშს. ამავე წლის 1 ივლისს "შტუტგარტმა" გამოისყიდა კიმიჰი და მალევე მიჰყიდა "ბაიერნს." მოთამაშემ "ბავარიასთან" 5–წლიან კონტრაქტს მოაწერა ხელი. 2015 წლის 12 სექტემბერს ჯოშუა "ბავარიის" დებიუტანტი იყო,მან "აუსბურგის" წინააღმდეგ თამაშში,რომელიც დასრულდა ანგარიშით : 2:1, ითამაშა ფილიპ ლამის მაგივრად. 2015 წლის 16 სექტემბერს კიმიჰი გვევლინება ჩემპიონთა ლიგის დებიუტანტად,სადაც ის საბერძნეთის "ოლიმპიაკოსის" წინააღმდეგ თამაშში 76–ე წუთზე ცვლის ხაბი ალონსოს. ამჟამად ჯოშუა კიმიჰმა მიუნჰენურ კლუბში ეროვნულ ჩემპიონატზე 22 მატჩში ითამაშა.

მიღწევები

ბაიერნი

•  გერმანიის ჩემპიონი: 2014/15; 2015/16
• გერმანიის თასის მფლობელი (1) : 2015/16