გრიგოლი (ბერბიჭაშვილი)

გრიგოლი
ფოთისა და ხობის ეპარქიის მიტროპოლიტი
მეუფე გრიგოლი
პროვინცია	სამეგრელო
ეპარქია	ფოთისა და ხობის ეპარქია
ეკლესია	ქართული მართლმადიდებლური ეკლესია
ინთრონიზაცია	1996
პირადი მონაცემები
საერო სახელი	გურამ ბერბიჭაშვილი
დაბადების თარიღი	1956
ეროვნება	ქართველი
რელიგია	ქრისტიანობა

მიტროპოლიტი გრიგოლი (დ. 18 ივლისი, 1956, თბილისი) — ფოთისა და ხობის ეპარქიის მიტროპოლიტი.

1990 წელს დაამთავრა თბილისის სასულიერო სემინარია და სწავლა განაგრძო თბილისის სასულიერო აკადემიის ღვთისმეტყველების ფაკულტეტზე, რომელიც 1994 წელს დაამთავრა. 1989 წლის 14 ოქტომბერს ბათუმ-შემოქმედელმა მიტროპოლიტმა კონსტანტინემ აკურთხა დიაკვნად სვეტიცხოვლის საპატრიარქო ტაძარში, ხოლო 1990 წლის 27 მარტს მღვდლად ბათუმის ღვთისმშობლის შობის საკათედრო ტაძარში. 1994 წლის 2 თებერვალს მიენიჭა დეკანოზის წოდება. 1996 წლის 21 მარტს კი შემოქმედის მონასტერში ბერად აღკვეცა მთავარეპისკოპოსმა იობმა, ორი დღის შემდეგ, 23 მარტს არქიმანდრიტის წოდება მიენიჭა, ხოლო მეორე დღეს, 24 მარტს სვეტიცხოვლის ტაძარში აღესრულა მისი კურთხევა ფოთის ეპისკოპოსად. 1996-2003 წლებში შეიარაღებულ ძალებთან და სამართალდამცავ დაწესებულებებთან ურთიერთობის განყოფილების უფროსი იყო. 2003 წლის აპრილიდან გამომცემლობისა და რეცენზირების დეპარტამენტის თავმჯდომარეა. 2003 წლის 7 სექტემბერს ებოძა მთავარეპისკოპოსის წოდება, ხოლო 2007 წლის 3 ივნისს მიტროპოლიტის წოდება.

• კათედრა ფოთში, რეზიდენცია ფოთსა და ხობში.

იხილეთ აგრეთვე

• საქართველოს ეკლესიის წმინდა სინოდი

რესურსები ინტერნეტში

• ფოთისა და ხობის მიტროპოლიტი გრიგოლი