ფესვფეხიანები

ფესვფეხიანები (ლათ. Rhizopoda) — უმარტივესი ცხოველების ქვეკლასი. მათი სხეული პროტოპლაზმისაგან შედგება და დაფარულია თხელი აპკით, რის გამოც ფესვფეხიანები ფორმაცვალებადი არიან. აქვთ ცრუფეხები — სამოძრაო და საკვების მიმტაცებელი ორგანოები. ფესვფეხიანების ზომა რამდენიმე მკმ-იდან 3 მმ-ს (ნამარხიი ფორმები 5 სმ-მდე) აღწევს. ქვეკლასში 5 რიგია:

• ამებები, რომელთაგან ზოგი ადამიანისა და ცხოველთა ნაწლავის პარაზიტია;
• ნიჟარიანი ამებები — მტკნარი წყლის ბინადრები;
• ფორამინიფერები — ზღვის ფორმები, რომელთაც ახასიათებთ რთული სასიცოცხლო ციკლი;
• მზიარები;
• სხივარები

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 277.