ლეონის სამეფო

ლეონის სამეფო 1037 წელს

ლეონის სამეფო — ესპანური სამეფო პირენეს ნახევარკუნძულის ჩრდილოეთ–დასავლეთ ნაწილში X[[-XIII საუკუნეებში. წარმოიშვა ალფონსო III–ის (მეფე 866–910 წწ.) მიერ ასტურიის სამეფოს გაყოფის შემდეგ. 924 წელს ლეონი, გალისია და ასტურია კვლავ გაერთიანდნენ და შეადგინეს სამეფო ლეონი (დედაქალაქი – ლეონი). X საუკუნის 50–იანი წლებიდან ლეონის სამეფო კონტრიბუციას უხდიდა კორდოვის სახალიფოს. ალფონსო V (994–1027 წწ.) აღადგინა ლეონის სამეფოს ძლიერება, 1037 წელს მდინარე კარიონის ნაპირას მომხდარ ბრძოლაში ლეონის მეფე ბერმუდო III დაიღუპა და ფერდინანდ I–მა (მეფე 1037–1065 წწ.) ლეონი და კასტილიის სამეფო გააერთიანა ლეონ–კასტილიის სამეფოდ (გაერთიანებული იყო 1157 წლამდე). საბოლოოდ ეს ორი სახელმწიფო გაერთიანდა 1230 წელს ფერდინანდ III–ის დროს.

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 192.