ფარავანი (მდინარე)

ფარავანი
მდინარის ხედი ხერთვისის ციხიდან
ქვეყანა	საქართველო
სათავე	ფარავნის ტბა
სიგრძე	74 კმ
აუზის ფართობი	2352 კმ²
ფარავანი ვიკისაწყობში

ფარავანი, ახალქალაქისწყალი, ჯავახეთის მტკვარი — მდინარე საქართველოს სამხრეთ მთიანეთში, ნინოწმინდის, ახალქალაქისა და ასპინძის რაიონებში. იწყება ფარავნის ტბის სამხრეთ ნაპირიდან, ზღვის დონიდან 2073 მ-ზე, ერთვის მდინარე მტკვარს მარჯვნიდან, სოფელ ხერთვისთან. სიგრძე 74 კმ, აუზის ფართობი 2352 კმ². საზრდოობს მიწისქვეშა, თოვლისა და წვიმის წყლით. ფარავნის, საღამოსა და სხვა ტბების გავლენით მდინარე ფარავნის ჩამონადენი საკმაოდ რეგულირებულია. წყალდიდობა იცის გაზაფხულზე, წყალმწირობა აგვისტოდან თებერვლის ბოლომდე. თოში, ყინულნაპირისი, ძგიფი და ყინულსვლა ნოემბრიდან აპრილამდეა. საშუალო წლიური ხარჯი შესართავთან 28,9 მ³/წმ. გამოყენებულია სარწყავად და ჰესებისათვის.

მდინარე ფარავანი

მდ. ფარავანი საღამოს ტბასთან

მდ. ფარავანი ფარავნის ტბასთან ‎

მდ. ფარავანი ხერთვისთან

მდ. ფარავანი ნასოფლარ ნაისასთან

ლიტერატურა

• შეგიძლიათ იხილოთ მედიაფაილები თემაზე „ფარავანი“ ვიკისაწყობში.

• ი. აფხაზავა, ქართული საბჭოთა ენციკლოპედია, ტ. 10, თბ., 1986. — გვ. 221.