ჯეიმზ ჰედლი ჩეიზი

ჯეიმზ ჰედლი ჩეიზი
ინგლ. James Hadley Chase
დაბადების თარიღი	1906
დაბადების ადგილი	დიდი ბრიტანეთი, ლონდონი
გარდაცვალების თარიღი	1985
გარდაცვალების ადგილი	შვეიცარია
დასაფლავებულია	ვევე
ფსევდონიმი	ჯეიმზ ჰედლი ჩეიზი
საქმიანობა	მწერალი
ენა	ინგლისური ენა
ეროვნება	ბრიტანელი
მოქალაქეობა	გაერთიანებული სამეფო  დიდი ბრიტანეთის და ირლანდიის გაერთიანებული სამეფო
ჟანრი	დეტექტივი
ჯეიმზ ჰედლი ჩეიზი ვიკისაწყობში

ჯეიმზ ჰედლი ჩეიზი (ინგლ. James Hadley Chase; დ. ლონდონი, 1906 წელი — გ. შვეიცარია, 1985 წელი.) — „ლიტერატურის ოსტატად“ აღიარებული მწერალი.

ჯეიმზი ლონდონში, გადამდგარი ოფიცრის ოჯახში დაიბადა. მისი ნამდვილი სახელია რენე ბარბაზონ რაიმონდი. მომავალი მწერალი როჩესტერის სამეფო სკოლაში სწავლობდა, მაგრამ 18 წლისამ სწავლაც მიატოვა და მშობლიური სახლიც.

სანამ მსოფლიოში ერთ-ერთი ყველაზე ცნობილი დეტექტიური მწერალი გახდებოდა, ჩეიზმა უამრავი სამუშაო გამოიცვალა, მუშაობდა წიგნების გამავრცელებელ აგენტად, წიგნების გამყიდველად და ამასობაში გადაწყვიტა, თვითონაც დაეწერა რაიმე. თავდაპირველად წერა იუმორისტული მოთხრობებით დაიწყო. მისი პირველი რომანი „არავითარი ორქიდეები მის ბლენდიშისთვის“ 1939 წელს გამოვიდა და მაშინვე ბესტსელერად იქცა, რამაც საბოლოოდ განსაზღვრა მისი კარიერა. ჯეიმზ ჰედლი ჩეიზი 80-მდე ნაწარმოების ავტორია.

ჩეიზის დეტექტივებში მოქმედება ძირითადად აშშ-ში ვითარდება, თუმცა მწერალი ამ ქვეყანაში მხოლოდ ორჯელ იყო ნამყოფი - მაიამისა და ნიუ-ორლეანში - ისიც მცირე ხნით. რეალური სურათის შესაქმნელად მწერალი ინფორმაციას ენციკლოპედიებიდან, რუკებიდან და სლენგების ლექსიკონებიდან იღებდა.

ჩეიზი ბევრს მოგზაურობდა, ძირითადად შვეიცარიაში ცხოვრობდა და იქვე გარდაიცვალა 1985 წელს.

ლიტერატურა

• მსოფლიო დეტექტივების სეიფი, ტომი 1, თბილისი, 2010.