სელიმ-ფაშა

სელიმ-ფაშა (ხიმშიაშვილი), ახალციხის ფაშა 1803-1815; XVIII საუკუნის 90-იანი წლების დასაწყისში ვიდრე ფაშა გახდებოდა, იყო ზემო აჭარის სანჯაყ-ბეგი. 1809 ივნისში ტახტი შერიფ-ფაშამ წაართვა, მაგრამ 1812 უკან დაიბრუნა. სელიმ-ფაშა უპირისპირდებოდა თურქეთის ცენტრალურ ხელისუფლებას, იბრძოდა საფაშოს გამოყოფისათვის. თურქეთის ხელისუფლებამ ურჩი სელიმ-ფაშას დასასჯელად 15-ათასიანი ლაშქარი გაგზავნა. ხირხათის ციხეში (აჭარა) ჩაკეტილი სელიმ-ფაშა დამარცხდა და მას თავი მოჰკვეთეს.

ლიტერატურა

• ლომსაძე შ., ქსე, ტ. 9, გვ. 278, თბ., 1985