შერონ სტოუნი

შერონ სტოუნი
საქმიანობა	მსახიობი, პროდიუსერი

შერონ ფონ სტოუნი (ინგლ.: Sharon Vonne Stone) (დ. 10 მარტი, 1958, მიდვილი, პენსილვანია) — ამერიკელი კინომსახიობი.

პარამეტრები: თმის ბუნებრივი ფერი ღია ქერა; თვალის ფერი მოლურჯო-მოცისფრო; სიმაღლე: 177 სმ; წონა 55 კგ; მკერდი 90, წელი 60, თეძო 90; ინტელექტის კოეფიციენტი 154,4.

ბიოგრაფია

შერონ სტოუნი მსოფლიო ვარსკვლავი 1992 წელს პოლ ვერჰოვენის ეროტიკულ თრილერში „ძირითადი ინსტინქტი“ (Basic Instinct) განსახიერებული მთავარი როლით გახდა. მსახიობობამდე სტოუნი მანეკენად მუშაობდა. როდესაც შერონი პარიზში იხილეს, ის პიერ კარდენის წამყვან მოდელად იქცა, მას ამ უკანასკნელმა „თეთრი ვარდი“ უწოდა. 80-იანი წლების დასაწყისში სტოუნის ფოტოები ისეთი ჟურნალების გარეკანს ამშვენებდა, როგორებიცაა: „ვოგი“, „ელი“ და „პლეიბოი“.

მისი კინოკარიერა დაიწყო 1980 წელს, როცა მან ვუდი ალენის ფილმში „ვარსკვლავური მტვრის მოგონებები“ („Stardust Memories“) ითამაშა. შემდგომში იგი ძირითადად მეორეხარისხოვან როლებს ასრულებდა ისეთ ფილმებში, როგორიც იყო „პოლიციის აკადემია 4“, „ჯექსონის ქმედება“ და „სრული დაბნელება“. „ძირითადი ინსტინქტის“ შემდგომ,როდესაც მისი თავბრუდამხვევი კინოკარიერა დაიწყო და რისთვისაც პირველად იქნა წარდგენილი ოსკარზე, შერონ სტოუნს უმთავრესად ეროტიკულ თრილერებში იღებენ, ის 90-იანი წლების ერთ-ერთი ყველაზე წარმატებული და ძვირადღირებული მსახიობი ქალი ხდება.

სუპერვარსკვლავად ქცეული სტოუნი ისეთი გრანდების გვერდით ჩნდება, როგორებიცაა რიჩარდ გირი, სილვესთერ სტალონე, უილიამ ბოლდუინი, რობერტ დე ნირო, იზაბელ აჯანი, ქეთი ბეითსი და დასტინ ჰოფმანი. მარტინ სკორსეზეს ფილმში „სამორინე“(Casino) დიდებულად შესრულებული როლისათვის იგი „ოქროს გლობუსით“ დააჯილდოვეს და „ოსკარზე“ წარადგინეს.

1997 წელს სტოუნმა მთავარი როლი შეასრულა სამეცნიერო ფანტასტიკურ ფილმში „სფერო“, რამაც კინოკრიტიკოსებსა და მაყურებელთა შორის მორიგი აღიარება მოუტანა. იმავე წელს სტოუნმა გაიცნო გაზეთ „ჩიკაგო ეგზაიმნერის“ რედაქტორი ფილ ბრონშტეინი და ცოლად გაჰყვა. მათ 2003 წელს პატარა ბიჭი იშვილეს, ერთი წლის თავზე კი განქორწინდნენ.

შერონ სტოუნი, 2004 წ.

დემი მურისა და ჯულია რობერთსის კვალდაკვალ სტოუნი მსხვილი ჰონორარებით გამოირჩევა ჰოლივუდში, მისი ერთ-ერთი ბოლო კინონამუშევრით, რომელსაც მაყურებელი 1992 წლიდან ელოდა, ძირითადი ინსტინქტის სიქველში (2006)შესრულებული როლით მან კოლოსალური თანხა 30 მილიონი დოლარი აიღო და ყველა რეკორდი მოხსნა მსოფლიოში ქალისთვის გადახდილი უმაღლესი ჰონორარით(მთელი 10 მლნ დოლარით გაუსწრო ჯულია რობერტსსა და დემი მურს).

შერონ სტოუნი ჰოლივუდში ყველაზე ინტელექტუალურ მსახიობად მიიჩნევა, მისი ინტელექტის კოეფიციენტი 154-ს აღემატება, რითიც ალბერტ აინშტაინის იგივე მაჩვენებელს უტოლდება.

1999 წლიდან შერონ სტოუნი მეტწილად ინტელექტუალური ხასიათის ფილმებში ჩნდება. „გლორიაში“ განსახიერებულმა მთავარმა როლმა მას მორიგი ოქროს გლობუსი მოუტანა. ფილმისათვის „ძლევამოსილი“ ის კიდევ ერთხელ იქნა ოქროს გლობუსზე წარდგენილი.

რამდენიმე ჟურნალის გამოკითხვის თანხმად, შერონ სტოუნი მსოფლიოში ულამაზეს ქალად სახელდება.

2000 წლის შემდეგ მან რადიკალურად შეცვალა შესრულების მანერა, რითიც კიდევ ერთხელ დაამტკიცა, რომ 48 წლის ასაკში (2006 წელს) კვლავინდებურად შეუძლია სექს-დივას როლის გასახიერება.

სტოუნი თავისუფალ დროს, ძირითადად, შვილის აღზრდას, საქველმოქმედო საღამოების მოწყობას და მხატრვრული ლიტერატურის კითხვას უთმობს. სტოუნი ხშირი სტუმარია მსოფლიოს რამდენიმე წამყვანი ტელეარხის თოქ-შოუებისა.

90-იანი წლებიდან შერონ სტოუნი ხშირი სტუმარია სილამაზის კონკურსებისა და ახალგაზრდა მსახიობთა მიერ მოწყობილი თეატრალური დადგმებისა. ელისაბეთ თეილორთან ერთად ის შიდსთან ბრძოლის ორგანიზაციას უდგას სათავეში და წელიწადში რამდენჯერმე აწყობს საქველმოქმედო საღამოებს აივ-ინფიცირებულთა დასახმარებლად თანხების მოზიდვის მიზნით.

ფილმოგრაფია

• ძირითადი ინსტინქტი II (2006)
• დამსხვრეული ყვავილები (2005)
• ალფა ძაღლი (2005)
• ორმაგი აგენტი (2004)
• ქალი კატა (2004)
• Jiminy Glick in La La Wood (2004) (Cameo)
• ცივი ნაკადულების მამული (2003
• დებრა უინგერის ძებნაში (2002) (documentary)
• ნამსხვრევების აკრეფა (2000)
• ლამაზმანი ჯო (2000)
• გლორია (1999)
• მუზა (1999)
• სიმპათიკო (1999)
• სფერო (1998)
• ძლევამოსილი (1998)
• ჭიანჭველები (1998)
• Junket Whore (1998)
• Off the Menu: The Last Days of Chasen's (1997)
• Catwalk (1996)
• ეშმაკეულნი (1996)
• უკანასკნელი ცეკვა (1996)
• სწრაფი და მკვდარი (1995)
• კაზინო (1995)
• გზაჯვარედინი (1994)
• სპეციალისტი (1994)
• ნაფოტი (1993)
• უკანასკნელი მოქმედების გმირი (1993)
• სადაც ძაღლის თავია დამარხული (1992)
• ძირითადი ინსტინქტი (1992)
• კაცმა თქვა, ქალმა თქვა (1991)
• მაკრატელი (1991)
• იარაღის წელიწადი (1991)
• მკვლელის დღიური (1991)
• ყველაფრის გახსენება (1990)
• ვარსკვლავებს მიღმა (1989)
• სისხლი და ქვიშა (1989)
• დაქოქილი ჯექსონი (1988)
• კანონზევით (1988)
• პოლიციის აკადემია 4: მოქალაქეები პატრულში (1987)
• ალან ქუოთერმანი და დაკარგული ოქროს ქალაქი (1987)
• ცივი ფოლადი (1987)
• მეფე სოლომონის განძი (1985)
• შეუთავსებელი სხვაობანი (1984)
• მეხსიერებაში (1981)
• სასიკვდილო კურთხევა (1981)
• ვარსკვლავური მტვრის მოგონებები (1980)