მარკ ნოპფლერი

მარკ ნოპფლერი
მარკ ნოპფლერი 2006 წელს
ბიოგრაფია
ნამდვილი სახელი	მარკ ფროიდერ ნოპფლერი
დაბ. თარიღი	12 აგვისტო, 1949 (1949-08-12)
დაბ. ადგილი	ნიუკასლ-აპონ-ტაინი, ინგლისი
ჟანრ(ებ)ი	როკი რუტს როკი კელტური როკი ქანთრი როკი ბლუზ როკი
საქმიანობა	მუსიკოსი, სიმღერების ავტორი, პროდიუსერი, კინომუსიკის ავტორი
ინსტრუმენტ(ებ)ი	გიტარა, ვოკალი
აქტიური	1965–დღემდე
ლეიბლ(ებ)ი	Vertigo, Mercury, Warner
აღსანიშნავი ინსტრუმენტები
Mark Knopfler Stratocaster Fender Telecaster Gibson Les Paul Pensa Custom MKII Steinberger GL-2
საიტი	markknopfler.com
მარკ ნოპფლერი ვიკისაწყობში

მარკ ფროიდერ ნოპფლერი (დ. 12 აგვისტო 1949) — ბრიტანეთის იმპერიის ორდენოსანი, ბრიტანელი მუსიკოსი, კინოფილმების მუსის ავტორი, პროდიუსერი და ვოკალისტი. სახელი გაითქვა ჯგუფში Dire Straits, რომელიც 1995 წელს დატოვა.

ჯგუფის დაშლის შემდეგ მარკი ჩნდებოდა ამა თუ იმ ცნობილი მუსიკოსის ჩანაწერზე, იწერდა სოლო-ალბომებს და მუსიკას ფილმებისათვის.

მთლიანობაში გაყიდულია მარკისა და Dire Straits-ის ალბომების 120 მილიონზე მეტი ასლი.

ბიოგრაფია

პირველი წლები

მარკი დაიბადა ინგლისელი დედისა და უნგრელი ებრაელი მამის ოჯახში. ეს უკანასკნელი საქმიანობით არქიტექტორი იყო, რომელიც ამავე დროს კომუნისტებს უჭერდა მხარს. ამიტომ მან დატოვა უნგრეთი. ოჯახი თავდაპირველად შოტლანდიაში ცხოვრობდა, შემდეგ კი ნიუკასლში გადავიდა. იქ მარკი და მისი ძმა დევიდი გოსფორთის გრამატიკულ სკოლაში დადიოდნენ. ინსტრუმენტებიდან მარკს იმ პერიოდში ფლამინგოს ტიპის ვარდისფერი ფენდერ სტრატოკასტერი მოსწონდა. ისევე, როგორც ბევრმა თანატოლმა, მარკმა ჩამოაყალიბა საკუთარი ჯგუფი, რომელშიც უკრავდა ცნობილი მუსიკოსების სიმღერების ქავერ-ვერსიებს (მათ შორის - ჩეტ ატკინსის, რომელთანაც წლების შემდეგ ნოპფლერმა ალბომიც კი ჩაწერა). 16 წლის ასაკში იგი მეგობართან ერთად გამოჩნდა ტელეეთერში,

1967 წელს მარკმა შეისწავლა ჟურნალისტიკა. კურსის დასასრულს მან დაიწყო მუშაობა ლიდსში, ახალგაზრდა რეპორტიორის სახით. ორი წლის შემდეგ მან დაამთავრა სწავლა ლიდსის უნივერსიტეტში. რეპორტიორის სამუშაოს მან თავი დაანება და, მუსიკაში კარიერის გაგრძელების მიზნით, გამოდიოდა სხვადასხვა პაბებში. პარალელურად ის ლაფტონის კოლეჯში ლექციებს კითხულობდა. რამდენიმე ჯგუფში დაკვრის შემდეგ მან საკუთარი დემო-კომპოზიცია, Summer's Coming My Way ჩაწერა.

ლონდონში გადასვლასთან ერთად ის მოხვდა ჯგუფში Brewers Droop და მათ ალბომზე The Booze Brothers. ერთ-ერთ საღამოს მან საბოლოოდ აღმოაჩინა, რომ არ შეუძლია გიტარაზე დაკვრის დროს მედიატორის გამოყენება. მისივე თქმით, 'სწორედ მაშინ იპოვა მან თავისი ხმა გიტარაში'. მას ძმას, დევიდს, ამ დროს უკვე საკუთარი ჯგუფი, Café Racers ჰყავდა, მაგრამ დევიდის მეშვეობით მარკმა გაიცნო ჯონ ილსლი, გიტარისტი, რომელიც ბას-გიტარაზე გადაერთო. ის მოგვიანებით იქცა Dire Straits უცვლელ წევრად.

დისკოგრაფია

Dire Straits

• Dire Straits (1978)
• Communiqué (1979)
• Making Movies (1980)
• Love Over Gold (1982)
• Alchemy (1984, live)
• Brothers in Arms (1985)
• Money for Nothing (1988, კრებული)
• On Every Street (1991)
• On the Night (1993, ცოცხალი)
• Live at the BBC (1995, ცოცხალი)
• Sultans of Swing: The Very Best of Dire Straits (1998, კრებული)
• The Best of Dire Straits & Mark Knopfler: Private Investigations (2005, კრებული)

სოლო-ალბომები

სტუდიური ალბომები

• Golden Heart (1996)
• Sailing to Philadelphia (2000)
• The Ragpicker's Dream (2002)
• Shangri-La (2004)
• Kill to Get Crimson (2007)
• Get Lucky (2009)
• Privateering (2012)

კრებულები

• The Best of Dire Straits & Mark Knopfler: Private Investigations (2005)
• The Trawlerman's Song EP (2005, EP)
• One Take Radio Sessions (2005, EP)

საუნდტრეკები

• Local Hero (1983)
• Cal (1984)
• Comfort and Joy (1984)
• The Princess Bride (1987)
• Last Exit to Brooklyn (1989)
• Screenplaying (1993 წლის კრებული)
• Wag the Dog (1998)
• Metroland (1999)
• A Shot at Glory (2002)

ერთობლივი ალბომები

• Missing...Presumed Having a Good Time (ჯგუფთან The Notting Hillbillies, 1990)
• Neck and Neck (ჩეტ ეტკინსთან, 1990)
• All the Roadrunning (ემილუ ჰარისთან, 2006)
• Real Live Roadrunning (ემილუ ჰარისთან, 2006)

რესურსები ინტერნეტში

ვიკისაწყობში არის გვერდი თემაზე:

მარკ ნოპფლერი

• ოფიციალური ვებ-გვერდი
• ვებ-რადიო PrivateInvestigations, ეძღვნება Dire Straits-სა და მარკ ნოპფლერს
• Mark Knopfler Boom Like That
• the long road – მარკ ნოპფლერის სესიები
• სიახლეები მარკ ნოპფლერზე
• Mark Knopfler კინოფილმების ინტერნეტ-მონაცემთა ბაზაში