თრთვილი

თრთვილი ვარდზე

თრთვილი — ატმოსფერული ნალექების ნაირსახეობა, რომელიც წარმოიქმნება ღამით დედამიწის ზედაპირის 0°C-ზე დაბლა რადიაციული გაცივებისას. ამ დროს წყნარ ამინდში ნიადაგის, ბალახისა და სხვა საგნების მიმდებარე ჰაერის ფენის ტემპერატურა იმდენად ეცემა, რომ წარმოიქმნება ხელსაყრელი პირობა მათ ზედაპირზე ჰაერში მყოფი წყლის ორთქლის სუბლიმაციისათვის.

თრთვილი გამიყოფა თოვლის ფიფქის მსგავსი ყინულის კრისტალების სახით. თრთვილის წარმოქმნისათის ყველაზე ხელსაყრელია ღია უქარო ღამეები და ზედაპირის უსწორმასწოროებანი, რომელსაც გააჩნია მცირეოდენი სითბოგამტარიანობა (მაგ., ღია ნიადაგური საფარი).

სუსტი ქარიც უწყობს ხელს თრთვილის წარმოშობას. ტყეს დიდი გავლენა აქვს ნამსა და თრთვილზე. იგი განსაკუთრებით შეიმჩნევა ზამთარში ნისლიანი ამინდის დროს. მისგან გამოიყოფა წვრილი წყლის წვეთები და მომცრო მყინვარული კრისტალები.

საქართველოში თრთვილი ხშირად გვიან შემოდგომაზე აღინიშნება.

რესურსები ინტერნეტში

• Guide to Frost
• BBC Understanding Weather - Frost
• American Meteorological Society, Glossary of Meteorology - Hoarfrost
• The Weather Doctor - Weather Whys - Frost

ლიტერატურა

• ოკუჯავა ა., ქსე, ტ. 4, გვ. 699, თბ., 1979;
• გობეჯიშვილი რ., კოტლიაკოვი ვ., გლაციოლოგია, თბ., 2006.