ჯუმბერ ლომინაძე

ჯუმბერ ლომინაძე
დაბ. თარიღი	20 სექტემბერი, 1930
დაბ. ადგილი	თბილისი, საქართველო
გარდ. თარიღი	20 იანვარი, 2014(2014-01-20) (83 წლის)
გარდ. ადგილი	თბილისი
მოქალაქეობა	სსრკ  საქართველო
საქმიანობა	ფიზიკოსი
მუშაობის ადგილი	საქართველოს მეცნიერებათა აკადემია
ალმა-მატერი	თბილისის სახელმწიფო უნივერსიტეტი და მგუ-ს ფიზიკის ფაკულტეტი
ჯილდოები	ვახტანგ გორგასლის ორდენი და საქართველოს სახელმწიფო პრემია

ჯუმბერ გიორგის ძე ლომინაძე (დ. 20 სექტემბერი, 1930, თბილისი) — ქართველი ფიზიკოსი. ფიზიკა-მათემატიკის მეცნიერებათა დოქტორი (1974), პროფესორი (1982). საქართველოს მეცნიერებათა აკადემიის წევრ-კორესპოდენტი (1979), აკადემიკოსი (1988).

1949-1951 წწ. სწავლობდა თბილისის სახელმწიფო უნივერსიტეტის ფიზიკა-ტექნიკის ფაკულტეტზე, 1951-1955 წწ. დაამთავრა მოსკოვის სახელმწიფო უნივერსიტეტის ფიზიკის ფაკულტეტზე. 1958 წლიდან მუშაობდა საქართველოს მეცნიერებათა აკადემიის ფიზიკის ინსტიტუტში სწავლულ მდივნად. 1974 წლიდან საქართველოს მეცნიერებათა აკადემიის პრეზიდიუმის მთავარი სწავლული მდივნის მოადგილე; ხოლო 1982 წლიდან დღემდე მათემატიკის და ფიზიკის განყოფილების აკადემიკოს-მდივნის მოვალეობის შემსრულებელია.

ლომინაძის შრომები ეხება პლაზმაში ციკოტრონული ტალღების, მათი არამდგრადობისა და ციკლოტრონული ტურბულენტურობის თეორიას, პლაზმის ფიზიკისა და მართვადი თერმობირთვული რეაქციების პრობლემას, პულსარების გამოსხივების მექანიზმებს, აკრეციული მოვლენებს შავი ხვრელის სისტემებში. ჯუმბერ ლომინაძე ავტორია 250-მდე სამეცნიერო ნაშრომისა, მათ შორის მონოგრაფიისა.

1979-1992 წწ. აბასთუმნის ასტროფიზიკური ობსერვატორიის თეორიული ასტროფიზიკის განყოფილების ხელმძღვანელი. 1992-2000 წწ. იყო საქართველოს მეცნიერებათა აკადემიის ევგენი ხარაძის სახელობის აბასთუმნის ნაციონალური ასტროფიზიკის ობსერვატორიის დირექტორი. 1997-2003 წწ. საქართველოს ცენტრალური საარჩევნო კომისიის თავჯდომარე. 2003-2006 წწ. საქართველოს კოსმოსური სააგენტოს თავჯდომარე. 2006 წლიდან დღემდე საქართველოს მ. ნოდიას გეოფიზიკის ინსტიტუტის კოსმოსური კვლევების ცენტრის ხელმძღვანელი.