დიდი ნორვეგიული ენციკლოპედია

დიდი ნორვეგიული ენციკლოპედიური ლექსიკონი (ნორვ. Store norske leksikon, აბრ. SNL) — სიდიდით მეორე ნორვეგიული ენციკლოპედია, რომელიც 1978 წელს გამომცემლობების Aschehoug-სა და Gyldendal-ის შერწყმის შედეგად შეიქმნა. ამ დრომდე ორივე გამომცემლობა ენციკლოპედიური ლექსიკონების გამოცემაზე იყო ორიენტირებული.

20-21 სს მიჯნაზე ბეჭდური სახით გამოცემული ენციკლოპედიების გაყიდვების მაჩვენებელი მკვეთრად დაეცა, ამიტომაც გამომცემლობას მეოთხე გამოცემის მომზადებისას ფონდ Fritt-სგან 10 მლნ კრონის სუბსიდია დასჭირდა. ხსენებული მეოთხე გამოცემა 16 ტომისგან შედგება, საერთო ჯამში 12 000 გვერდი და 280 000 ჩანაწერია.

2010 წლის 1 ივლისს გამოცხადდა, რომ ამიერიდან ბეჭდური სახით ენციკლოპედია აღარ გამოიცემოდა. რედაქცია ონლაინ ვერსიების შექმნაზე გადავიდა. ინტერნეტვერსია ხელმისაწვდომია ყველა მსურველისთვის.

ინტერნეტრესურსები

• ონლაინ ვერსია „დიდი ნორვეგიული ენციკლოპედიური ლექსიკონისა“ (ნორვეგიულ ენაზე)
• საგამომცემლო სახლ Kunnskapsforlaget-ის ვებგვერდი (ნორვეგიულ ენაზე)

• ენციკლოპედიები ენების მიხედვით