ტაიფუნი (ციკლონი)

ტაიფუნების მარშრუტის გავრცელების სქემა

ტაიფუნი (ჩინ. - 颱風; პინ-ინი - táifēng; ინგლ. - Typhoon) — წყნარი ოკეანის დასავლეთ ნაწილში (ა. გ. 170°-მდე) ეკვატორის ჩრდილოეთით წარმოქმნილი ტროპიკული ციკლონის ადგილობრივი სახელწოდება.

ტაიფუნი გადაადგილდება დასავლეთით და ჩრდილოეთ-დასავლეთით 10-20 კმ/სთ სიჩქარით და აღწევს ინდოჩინეთის, ჩინეთისა და კორეის ნაპირებს, შემდეგ მოძრაობს ჩრდილოეთისაკენ ან ჩრდილოეთ-აღმოსავლეთისაკენ 30-50 კმ/სთ (ზოგჯერ 100 კმ/სთ) სიჩქარით და აღწევს იაპონიას, ზოგჯერ კურილის კუნძულებს და კამჩატკასაც.

წლის განმავლობაში იცის 30-მდე ტაიფუნი, უმრავლესობა ივლისიდან ოქტომბრამდე. ტაიფუნს თან სდევს ზღვის ძლიერი ღელვა და რამდენიმე ასეული მმ ატმოსფერული ნალექი.

იაპონიისთვის განსაკუთერბულად დამანგრეველი აღმოჩნდა 1991 წლის სეზონი, სადაც ტაიფუნის წნევამ 870—878 მბარ-ს მიაწია.

რესურსები ინტერნეტში

• Japan Meteorological Agency
• China Meteorological Agency
• National Weather Service Guam
• Hong Kong Observatory
• Korea Meteorological Administration
• Philippine Atmospheric, Geophysical and Astronomical Services Administration
• Taiwan Central Weather Bureau

ლიტერატურა

• ქსე, ტ. 9, გვ. 643, თბ., 1985;
• Риль Г., Тропическая метеорология, пер. с англ., М., 1963;
• Мамедов Э. С., Павлов Н. И., Тайфуны, Л., 1974.