ურდუ ენა

ურდუ — ჰინდუსტანის ერთ-ერთი ვარიანტი, სამწერლობო და ლიტერატურული ენა, რომელსაც იყენებენ პაკისტანისა და ინდოეთის მუსულმანები. ურდუ პაკისტანის ოფიციალური ენა და ინდოეთის ერთ-ერთი მთავარი ლიტერატურული ენა, მიეკუთვნება ინდოევროპული ოჯახის ინდურ ჯგუფს. გენეტიკურად და სტრუქტურულად წარმოადგენს ჰინდის ნაირსახეობას. მისგან განსხვავდება სპარსული და არაბული სიტყვების სიუხვით.

ზოგადი ცნობები

• მოლაპარაკეთა რაოდენობა: >45 მლნ
• ენის კოდი: ur
• სახელწოდება: ur — Urdu; en — Urdu; eo — Urduo
• დამწერლობა: არაბული

ურდუს საფუძველი გახდა დელის რაიონის კილოკავები, რომლებიც ცნობილია სახელწოდებით „ქჰარი ბოლი“. მათ ბაზაზე XIII—XVI სს-ში ჩამოყალიბდა სალაპარაკო ენა ჰინდუსტანი, რომელიც ეთნოსთაშორისი ურთიერთობების ენის ფუნქციას ასრულებდა. იგი გავრცელდა დიდ ქალაქებსა და სავაჭრო გზებზე საკუთრივ ჰინდუსტანში (ამჟამად უტარ-პრადეში) და პენჯაბში. XVI—XVIII სს-ში მოხდა ჰინდუსტანის ერთ-ერთი ნაირსახეობის ფორმირება (შემდგომში ურდუ), რომელზეც დიდი იყო სპარსულის და არაბულის ზეგავლენა. ურდუს დამწერლობა არაბულ გრაფიკაზეა.

სტატუსი

ოფიციალური ენა:

• ინდოეთი — სხვა 15 ენასთან ერთად.
  • ჯამუ და ქაშმირი
• პაკისტანი

გავრცელების არეალი:

ინდოეთი, პაკისტანი, ბანგლადეში

გრამატიკა

…

ლექსიკა

ფრაზები და სიტყვები

• გამარჯობა — Salaam aleekum
• კეთილი იყოს თქვენი მობრძანება — Khush amaadiid
• გმადლობთ — Shukriya; Danyavad
• კი / არა — HaaN; Ji han / Nahin; NehiiN
• გეთაყვა — Merher-bani she; Merhbaanii karke
• ნახვამდის — Khuda hafiz

რიცხვები

• 1 — e:k, 2 — do:, 3 — ti:n, 4 — cha:r, 5 — pa:nch, 6 — chha, 7 — sa:t, 8 — a:th, 9 — nau, 10 — das