IBM: განსხვავება გადახედვებს შორის

მასალა ვიკიპედიიდან — თავისუფალი ენციკლოპედია
[შეუმოწმებელი ვერსია][შეუმოწმებელი ვერსია]
შიგთავსი ამოიშალა შიგთავსი დაემატა
ბოტის შეცვლა: fr:IBM
ბოტის შეცვლა: fr:International Business Machines
ხაზი 54: ხაზი 54:
[[fa:آی‌بی‌ام]]
[[fa:آی‌بی‌ام]]
[[fi:IBM]]
[[fi:IBM]]
[[fr:International Business Machines]]
[[fr:IBM]]
[[ga:International Business Machines]]
[[ga:International Business Machines]]
[[gl:IBM]]
[[gl:IBM]]

23:19, 17 ოქტომბერი 2010-ის ვერსია

კორპორაცია IBM–ის ლოგოტიპი

აი-ბი-ემი (IBM) კომპიუტერული ტექნიკისა და პროგრამული უზრუნველყოფის მწარმოებელი ერთ-ერთი უმსხვილესი კორპორაცია მსოფლიოში. დაარსდა 1911 წელს. ამჟამად შტაბ–ბინა განლაგებულია ქალაქ არმონკში (ნიუ-იორკის შტატი). კომპანიის თანამშრომლები ატარებენ ცისფერ უნიფორმას, რის გამოც კომპანიას ხშირად "ცისფერ გიგანტს" უწოდებენ.

შექმნის ისტორია

კომპანიის შექმნის ისტორია უკავშირდება გერმანელ იმიგრანტ ჰერმან ჰოლერიტს, რომელმაც 1888 წელს შექმნა პირველი ელექტრო-მექანიკური გამომთვლელი მანქანა, ტაბულატორი. გამოგონებამ იმდენად დიდი პოპულარობა ჰპოვა, რომ 1896 წელს ჰოლერიტმა დააარსა კომპანია სახელწოდებით Tabulating Machine Co. 1911 წლის 15 ივნისს კომპანია გაერთიანდა ორ ფირმასთან, რომლებიც ასევე მუშაობდნენ მონაცემების დამუშავების ავტომატიზაციის მიმართულებით. გაერთიანების შედეგად შეიქმნა კომპანია Computing Tabulating Recording (CTR), რომელმაც 1924 წელს მიიღო საბოლოო სახელწოდება International Business Machines (IBM). 1944 წლის თებერვალში, ჰარვარდის უნივერსიტეტის პროფესორ ჰოვარდ ეიკენის მეთაურობით, შეიქმნა კომპანიის პირველი ელექტრო-გამომთვლელი მანქანა "მარკ-1". 1946 წელს კომპანიამ წარმოადგინა პირველი კომერციული ელექტრო-გამომთვლელი მანქანა – IBM 603 Multiplier. 1952 წელს შემუშავებელ იქნა ახალი ტექნოლოგია, რის საფუძველზეც მანქანების გამოთვლის სიჩქარემ მიაღწია საოცარ მაჩვენებელს – 17 ათასი ოპერაცია წამში. ახალი ტექნოლოგიის გამოყენებით, 1954 წელს შეიქმნა კომპიუტერი NORC, რომელიც იმავ წელს საზღვაო არტილერიისათვის შეისყიდა აშშ-ის მთავრობამ.

ახალი ერა

ტრანზისტორების შექმნასთან ერთად, ლამპებზე მომუშავე კომპიუტერები მორალურად მოძველდნენ, ამიტომ 1959 წელს IBM ქმნის პირველ ტრანზისტორულ მეინფრეიმს, რომელიც ასრულებდა 229 ათას ოპერაციას წამში. მსგავსი მანქანების საშუალებით, აშშ-ის საჰაერო ძალებმა შესძლეს შეექმნათ ბალისტიკური რაკეტების თავდასხმისაგან თავდასაცავი სისტემა. ამავე მანქანების გამოყენებით, ამერიკულმა ავიაკომპანიამ SABRE, პირველად მსოფლიოში დანერგა ავიაბილეთების დაჯავშნისა და გაყიდვის ავტომატიზირებული სისტემა. 1980 წელს IBM-ის ხელმძღვანელობამ მიიღო რევოლუციური გადაწყვეტილება, შეექმნათ პერსონალური კომპიუტერი. მისი შექმნის დროს, გამოყენებული იყო ეგრეთწოდებული ღია არქიტექტურის პრინციპი, რაც იძლეოდა კომპიუტერის შემდგომი მოდერნიზაციის საშუალებას ახალი ნაწილების გამოყენებით. კომპანიამ თავისი პირმშოს შესაქმნელად გამოიყენა ინტელის მიკროპროცესორები, ხოლო პროგრამულად კომპიუტერებს უზრუნველყოფდა კომპანია მაიკროსოფტი. 1981 წელს მსოფლიოს მოევლინა პირველი IBM PC პერსონალური კომპიუტერი. დღესდღეობით კომპანია ინარჩუნებს მსოფლიო ლიდერის სტატუსს კომპიუტერულ სამყაროში. 2005 წლის მონაცემებით, კორპორაციის წლიურმა ბრუნვამ 91 მილიარდ აშშ დოლარს გადააჭარბა.

პროგრამული უზრუნველყოფა

  • ოპერაციული სისტემები OS/400, z/OS, PC-DOS, OS/2 და AIX
  • ფაილური სისტემები HPFS, CFS, JFS, JFS2
  • მონაცემთა ბაზები DB2
  • Lotus Domino
  • საოფისე პაკეტი Lotus SmartSuite.
  • კომპიუტერული მოდელირების საშუალებები IBM Rational.
  • IBM WebSphere.
  • კომპილატორები VisualAge C++, VisualAge Smalltalk

კომპიუტერები და მოწყობილობები

  • hi-end კლასის სერვერები
  • მონაცემთა შენახვის ქსელები
  • ThinkPad სერიის ნოუთბუკები. 2004 წლის დეკემბერში ქვეგანყოფილება შეისყიდა ჩინურმა კომპანიამ ლენოვომ (Lenovo Group)
  • სპეციალიზირებული სუპერკომპიუტერები Deep Blue, Blue Gene
  • მეინფრეიმები System/360, System/370, System/390
  • შეიმუშავა Playstation 3 — Cell და Xbox 360 — Xenon–ის ცენტრალური პროცესორების არქიტექტურა

რესურსები ინტერნეტში

მოძიებულია „https://ka.wikipedia.org/w/index.php?title=IBM&oldid=1295716“-დან