ვატიკანის ჰიმნი

პონტიფიკოსის ჰიმნი ან პაპის ჰიმნი - რომის პაპის, წმინდა საყდრის და ვატიკანის ოფიციალური ჰიმნი. ჰიმნი იკვრება განსაკუთრებული ცერემონიების და ღონისძიებების დროს, რომელშიც პაპი ან მისი წარმომადგენელი, მაგალითად ნუნციო, იღებს მონაწილეობას. მაშინ როდესაც ვატიკანის დროშა აღიმართება, ჰიმნის მხოლოდ რვა ტაქტი იკვრება. მუსიკა დაწერილი იქნა შარლ გუნოს მიერ 1869 წელს, პაპი პიუს IX-ს მღვდლად კურთხევის ვერცხლის იუბილეს აღსანიშნავად. ეს მთლიანად ინსტრუმენტალური სამ-ნაწილიანი ნაწარმოები, რომელსაც თავდაპირველად Marche pontificale (ფრან. - პონტიფიკოსის მარში) ეწოდებოდა, მისი პირველივე შესრულებისთანავე უზომოდ პოპულარული გახდა.

1949 წლის 16 ოქტომბერს, პაპმა პიუს XII ვიკტორინ ჰალმაიერის Marcia trionfale (1857), რომელიც პაპის ჰიმნი იყო 1929 წელს ვატიკანის ქალაქ-სახელმწიფოს ჩამოყალიბებიდან მოყოლებული, გუნოს მუსიკით ჩაანაცვლა. გუნოს მუსიკა პირველად ვატიკანის ჰიმნის სტატუსით 1949 წლის შობა დღეს (25 დეკმბერი) შესრულდა, წმინდა წელი 1950-ს დადგომამდე ერთი დღით ადრე. პატივისცემის ნიშნად, ძველი ჰიმნიც დაიკრა საბოლოოდ.