აგარა (ამბროლაურის მუნიციპალიტეტი)

აგარა - სოფელი რაჭაში, ამბროლაურის მუნიციპალიტეტში. მდებარეობს მდინარე ხოტეურას სათავეში. ტყიბულ-ამბროლაურის გზატკეცილზე, ზღვის დონიდან 1040 მეტრზე. ამბროლაურიდან დაშორებულია 10 კილომეტრით.

სოფელში ორი ეკლესიაა - აგარის წმინდა გიორგის, აგრეთვე ღვთისმშობლის სახელობის ეკლესიები.

აგარაში ძირითადად შემდეგი გვარის წარმომადგენლებები სახლობენ - აბუთიძეები, ბიბილაშვილები, მესხები, მომცელიძეები, ტურძილაძეები. 2002 წლის აღწერის მონაცემებით სოფელში ცხოვრობს 164 ადამიანი.

მოსაზღვრე სოფლებია: ჭელიაღელე, უყეში, თლუღი და ხოტევი.