საფოსტო მტრედი
საფოსტო მტრედი ან სპორტული მტრედი — მტრედები, რომლებიც ადრე გამოყენებული იყვნენ საფოსტო შეტყობინებების გადასაცემად. საფოსტო მტრედის განსაკუთრებული, მკვეთრად განსაზღვრული სახეობა არ არსებობს, მაგრამ მათ აქვთ უნარი აღნიშნული მოქმედებისთვის, რომელიც თანდათანობით გამოუმუშავდებათ სახეობების შერჩევით და აგრეთვე საგულდაგულო მოვლით. ისინი გამოყვანილია ორიენტირების უნარის მიხედვით მრავალი წლის განმავლობაში გადარჩევის გზით. ამჟამად ტერმინი „საფოსტო მტრედი“ შეიცვალა ტერმინით „სპორტული მტრედით“, რადგან ახლა მათ იყენებენ არა საფოსტო შეტყობინების გადასაცემად, არამედ მხოლოდ მტრედების სპორტულ შეჯიბრებაში.