საკაი ტოსიჰიკო

საკაი ტოსიჰიკო
საკაი ტოსიჰიკო 1929 წელს
მშობლიური სახელი	堺 利彦
დაბადების თარიღი	25 ნოემბერი, 1871 მიაკო, ფუკუოკა, იაპონია
გარდაცვალების თარიღი	23 იანვარი, 1933 (61 წლის) ტოკიო, იაპონია
ეროვნება	იაპონელი
საქმიანობა	ჟურნალისტი, გაზეთის რედაქტორი, პოლიტიკოსი

საკაი ტოსიჰიკო, ლიტერატურული ფსევდონიმი კარეგავა (იაპონ. 堺 利彦; დ. 15 ნოემბერი, 1871, ფუკუოკის პრეფექტურა — გ. 23 იანვარი, 1933, ტოკიო) — იაპონიის საზოგადო მოღვაწე, ჟურნალისტი და პუბლიცისტი.

ტოსიჰიკო იყო სამურაების ოჯახიდან. 1904 წელს დ. კოტოკუსთან ერთად იაპონურ ენაზე თარგმნა „კომუნისტური პარტიის მანიფესტი“. რუსეთში ოქტომბრის სოციალისტური რევოლუციის გამარჯვების შემდეგ სოციალიზმის იდეების საჯარო პროპაგანდას ეწეოდა. მონაწილეობდა იაპონიის კომპარტიის (იკპ) შექმნაში (1922). 1923 წელს დააპატიმრეს. ციხიდან განთავისუფლების შემდეგ (1924) ჩამოშორდა იკპ-ს და მიემხრო სოციალ-დემოკრატებს. 1930 იყო ცენტრისტული სოციალ-დემოკრატიული სრულიად იაპონიის მასობრივი პარტიის შექმნის ერთ-ერთი ინიციატორი, გახდა ამ პარტიის ანტისამხედრო კომიტეტის მრჩეველი და თავმჯდომარე.

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 667.

რესურსები ინტერნეტში

• შეგიძლიათ იხილოთ მედიაფაილები თემაზე „საკაი ტოსიჰიკო“ ვიკისაწყობში.
• საკაი ტოსიჰიკო Aozora bunko-ზე