საიონძი კიმოტი
საიონძი კიმოტი (იაპ. 西園寺 公望) (დ. 23 ოქტომბერი, 1849, კიოტო — გ. 24 ნოემბერი, 1940, ოკიცუ), იაპონიის პოლიტიკური მოღვაწე. საიმპერიო კარის არისტოკრატიის შთამომავალი. მონაწილეობდა 1867–1868 დაუმთავრებელ ბურჟუაზიულ რევოლუციაში. 1885–1888 დიპლომატიური წარმომადგენელი იყო ავსტრია-უნგრეთში, 1888–1891 —გერმანიაში. 1900–1903 საიდუმლო საბჭოს თავმჯდომარე. 1901–1902, 1906–1908 და 1911–1912 პრემიერ-მინისტრი. იაპონიის დელეგაციას მეთაურობდა პარიზის საზავო კონფერენციაზე (1919–1920).
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 8, თბ., 1984. — გვ. 665.
