მირანდა კერი

მასალა ვიკიპედიიდან — თავისუფალი ენციკლოპედია
მირანდა კერი

მირანდა მეი კერი (ინგლ. Miranda May Kerr; დ. 20 აპრილი, 1983, სიდნეი, ავსტრალია) — ავსტრალიელი სუპერმოდელი,ცნობილია როგორც — Victoria's Secret Angel. მირანდამ მოდელობა დაიწყო 13 წლის ასაკში, როდესაც გაიმარჯვა 1997 წელს ავსტრალიის ფარგლებში ახალი მოდელების ძიების კონკურსში, რომელიც მოაწყო — Dolly magazine-მა.

კერი დაიბადა სიდნეიში, გაიზარდა გუნედაში — ძალიან პატარა ქალაქში. მირანდას ჰყავს 1 ძმა — მეთიუ, მირანდა სწავლობდა ცხენზე ჯირითს ბებიის ფერმაში და იხსენებს ამ დროს როგორც ყველაზე ლაღ პერიოდს. მისივე თქმით, ეს იყო ადგილი სადაც არავის ადარდებდა რა გეცვა და მისმა ბავშვობამ სწორედ ისე ჩაიარა, რომ ყოველთვის აკვირდებოდა ადამიანებს ხასიათით და არა ჩაცმულობით.

როდესაც წამოიზარდნენ, მისი ოჯახი გადმოსახლდა ქალაქ ბრიზბენში, რათა მირანდას და მის ძმას მიეღოთ კარგი განათლება და შეგუებოდნენ ქალაქს.

მირანდა იყო დიდ სტრესში, როდესაც სკოლაში სწავლის პერიოდში გარდაეცვალა მისი უფროსკლასელი შეყვარებული. დიდი ხნის სტრესისგან თავის დასაღწევად მირანდამ მიაკითხა სამოდელო სააგენტოს — Chic Management-ს სიდნეიში. მალევე მიიღო უამრავი შემოთავაზება რეკლამებში გადასაღებად. მალე მირანდას სახე საკმაოდ პოპულარული გახდა ავსტრალიაში და აზიის ქვეყნებში და მირანდა გაემგზავნა ნიუ-იორკის დასაპყრობად.

2006 წელს გააფორმა კონტრაქტი კოსმეტიკურ ფირმასთან — Maybelline New York და მალე მიიწვიეს Victoria's Secret-ის კატალოგში გადასაღებად და მალევე გახდა ანგელოზი — Victoria's Secret Angel. კერს მოიხსენიებენ როგორც — ელ მაკფერსონის შემცვლელს. 2007 წელს როგორც მირანდამ განაცხადა დაიწყო წიგნის წერა — „Treasure Yourself“, ქალებისთვის და თინეიჯერებისთვის. მე მსურს წიგნის დაწერა და ამით თუკი დავეხმარები თუნდაც 1 მოზარდ გოგონას ვიქნები ბედნიერი.

იგი არის ერთ-ერთი ყველაზე მაღალანაზღაურებდი სუპერმოდელი მსოფლიოში. ფორბსის 2010 წლის მონაცემებით ამ მხრივ მირანდა მე-9 ადგილს იკავებს.

2010-2013 წლებში მირანდა კერი ქორწინებაში იმყოფებოდა ორლანდო ბლუმთან.

რესურსები ინტერნეტში[რედაქტირება | წყაროს რედაქტირება]

ვიკისაწყობში არის გვერდი თემაზე: