ვიჯაია ლაქშმი პანდიტი

მასალა ვიკიპედიიდან — თავისუფალი ენციკლოპედია
ვიჯაია ლაქშმი პანდიტი

დაიბადა18 აგვისტო, 1900
ალაჰაბადი, ბრიტანეთის ინდოეთი
გარდაიცვალა1 დეკემბერი, 1990
დეჰრადუნი, ინდოეთი
საქმიანობა პოლიტიკა, დიპლომატია
მშობლები მოტილალ ნერუ
ვიჯაია ლაქშმი პანდიტი
ბენგ. বিজয়লক্ষ্মী পণ্ডিত
დაბადების თარიღი 18 აგვისტო, 1900(1900-08-18)[1] [2] [3] [4] [5]
დაბადების ადგილი ალაჰაბადი
გარდაცვალების თარიღი 1 დეკემბერი, 1990(1990-12-01)[1] [2] [3] [5] (90 წლის)
გარდაცვალების ადგილი დეჰრადუნი
საქმიანობა პოლიტიკოსი, დიპლომატი და freedom fighter
მოქალაქეობა  ბრიტანეთის ინდოეთი
 ინდოეთი
ჯილდოები Padma Vibhushan
შვილ(ებ)ი Nayantara Sahgal

ვიჯაია ლაქშმი პანდიტი (ინგლ. Vijaya Lakshmi Nehru Pandit, ქაშმ. विजयलक्ष्मी नेहरू पंडित); დ. 18 აგვისტო, 1900, ალაჰაბადი, ბრიტანეთის ინდოეთი — გ. 1 დეკემბერი, 1990, დეჰრადუნი, ინდოეთი) — ინდოელი დიპლომატი და პოლიტიკოსი, ინდოეთის პრემიერ-მინისტრის ჯავაჰარლალ ნერუს და.

ბიოგრაფია[რედაქტირება | წყაროს რედაქტირება]

დაიბადა ქვეყანაში ერთ-ერთ ყველაზე ცნობილ ოჯახში. მისი მამა მოტილალ ნერუ ინდოეთის ეროვნული კონგრესის ყოფილი პრეზიდენტია. 1921 წელს ვიჯაია ლაქშმი ნერუ ცოლად გაჰყვა რანჯიტა სიტარამა პანდიტს, რომელიც გარდაიცვალა 1944 წლის 14 იანვარს. ვიჯაია პანდიტი გახდა პირველი ინდოელი ქალი, რომელმაც მთავრობაში მიიღო თანამდებობა. 1937 წელს იგი აირჩიეს გაერთიანებული პროვინციების საკანონმდებლო კრებაში და დანიშნეს ადგილობრივი თვითმმართველობისა და საზოგადოებრივი ჯანმრთელობის საქმეთა მინისტრად. მას ეს თანამდებობა ეკავა 1939 წლამდე, და კიდევ 1946 წლიდან 1947 წლამდე. 1946 წელს გაერთიანებული პროვინციიდან აირჩიეს დამფუძნებელ კრებაში.

1947 წელს დიდი ბრიტანეთისაგან ინდოეთის დამოუკიდებლობის მიღების შემდეგ გადავიდა დიპლომატიურ სამსახურში და მუშაობდა ინდოეთის ელჩად საბჭოთა კავშირში (1947-1949 წწ.), აშშ-სა და მექსიკაში (1949-1951 წწ.), ირლანდიასა (1955-1961 წწ.) და ესპანეთში (1958-1961 წწ.). 1946 წლიდან 1968 წლამდე იყო გაერთიანებული ერების ორგანიზაციაში ინდოეთის დელეგაციის ხელმძღვანელი. 1953 წელს იგი გახდა პირველი ქალი, რომელმაც დაიკავა გაეროს გენერალური ასამბლეის თავჯდომარის თანამდებობა.

ინდოეთში ვიჯაია პანდიტს ეკავა მაჰარაშტრის გუბერნატორის თანამდებობა 1962-1964 წლებში, რის შემდეგაც აირჩიეს ინდოეთის პარლამენტის ქვედა პალატის ლოკ-საბჰის დეპუტატად. იგი პარლამენტის დეპუტატი იყო 1964-1968 წლებში. პანდიტი აკრიტიკებდა თავის ძისშვილს ინდირა განდის მას შემდეგ რაც ინდირა განდი აირჩიეს ქვეყნის პრემიერ-მინისტრად და წავიდა დიდი პოლიტიკიდან, მაშ შემდეგ, რაც მათ შორის გაფუჭდა ურთიერთობა. თანამდებობიდან გადადგომის შემდეგ გადავიდა დეჰრადუნში, დუნის ხეობაში, ჰიმალაის მთისწინეთში.

1979 წეს იგი დანიშნეს ინდოეთის წარმომადგენლად გაეროს ადამიანის უფლებათა კომისიაში.

მისი ქალიშვილი ნაიანტარა საჰგალი ინდოეთში ცნობილი მწერალია.

ლიტერატურა[რედაქტირება | წყაროს რედაქტირება]

  • Ankit, Rakesh. "Between Vanity and Sensitiveness: Indo–British Relations During Vijayalakshmi Pandit’s High-Commissionership (1954–61)." Contemporary British History 30.1 (2016): 20-39, major scholarly stify
  • Gupta, Indra. India’s 50 Most Illustrious Women. ISBN 81-88086-19-3. 

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]