ვიტორე კარპაჩო

ვიტორე კარპაჩო
ვიტორე კარპაჩო
	იტალ. Vittore Carpaccio
დაიბადა	დაახლ. 1455 ან 1465
დაბადების ადგილი	ვენეცია, ვენეციის რესპუბლიკა
გარდაიცვალა	დაახლ. 1526
გარდაცვალების ადგილი	კაპოდისტრია ან ვენეცია
ეროვნება	იტალიელი
სფერო	ფერწერა
ჟანრი	პორტრეტი
მასზე გავლენა მოახდინა	ანტონელო და მესინა, ჯოვანი ბელინი

ვიტორე კარპაჩო (იტალ. Vittore Carpaccio; დ. დაახლ. 1455 ან 1465, ვენეცია — გ. დაახლ. 1526, კაპოდისტრია, ახლანდ. კოპერი, სლოვენია) — იტალიელი ფერმწერი, ვენეციური სკოლის თვალსაჩინო წარმომადგენელი. სწავლობდა ჯენტილე ბელინის ხელმძღვანელობით. განიცადა ანტონელო და მესინას და ჯოვანი ბელინის გავლენა. წმ. ურსულას (1490–1495, აკადემიის გალერეა, ვენეცია), წმ. გიორგისა და წმ. იერონიმეს (1502–1507, სკუოთლა დი სან-ჯორჯო დელი სკიავონი, ვენეცია) ცხოვრების თემებზე შექმნილ სურათებში ლეგენდარული სიუჟეტები გადაწყვეტილია როგორც მხატვრის თანამედროვე ცხოვრების რეალური სცენები. მხატვარი ოსტატურად ასახავდა სივრცეს, ჰაეროვან და შუქ-ჰაეროვან გარემოს, რაც არბილებს ლოკალური ფერის ლაქების ჟღერადობას.^[1]

გალერეა[რედაქტირება | წყაროს რედაქტირება]

„წმ. ურსულას ძილი“, 1495, ვენეციის აკადემიის გალერეა, ვენეცია
„ვენეციელი წარჩინებულის პორტრეტი“, დაახლ. 1510, ნორტონ საიმონის მუზეუმი, პასადენა
„სიბილი“, დაახლ. 1510, უფიცი, ფლორენცია
„წმ. სტეფანეს ქადაგება“, 1514, ლუვრი, პარიზი