გრანდ არკი

გრანდ არკი ანუ დიდი თაღი (ფრანგ. Grande Arche de la Fraternité) მონუმენტური ნაგებობა პარიზის ლა დეფანსის უბანში.

მონუმენტის პროექტისთვის საერთაშორისო კონკურსი საფრანგეთის პრეზიდენტის ფრანსუა მიტერანის ინიციატივით გამოცხადდა. დანიელი არქიტექტორი იოჰან ოტო ფონ სპრეკელსენის (1929-1987) პროექტი გახდა ტრიუმფალური თაღის მე-20 საუკუნის ვერსია: მონუმენტი ჰუმანურობისა და ჰუმანიტარული იდეალებისთვის, სამხედრო მიღწევების ნაცვლად. მშენებლობა 1982 წელს დაიწყო. სპრეკელსენის 1987 წელს გარდაცვალების შემდეგ მისი მოადგილე ფრანგი არქიტექტორი პოლ ანდრო ასრულებს შენობას 1990 წელს.

თაღი თითქმის სწორი კუბია (სიგანე 108 მ, სიმაღლე 110 მეტრი, სიღრმე 112 მ). შენობას მინითა და იტალიიდან ჩამოტანილი კარერას მარმარილოთი დაფარული რკინა-ბეტონის ჩონჩხი აქვს და იგი ფრანგულმა საინჟინრო კომპანია "ბუიჟე"–მ ააგო.

ვიკისაწყობში არის გვერდი თემაზე:

გრანდ არკი