ბრიჯიტ ფონდა

ბრიჯიტ ფონდა Bridget Fonda
დაბადების სახელი	ბრიჯიტ ჯეინ ფონდა
დაბადების თარიღი	27 იანვარი 1964 (58 წლის) ლოს-ანჟელესი კალიფორნია აშშ
მოქალაქეობა	აშშ
განათლება	ნიუ-იორკის უნივერსიტეტი
პროფესია	მსახიობი, მომღერალი
აქტიური	1982—2002
მეუღლე(ები)	დანიელ ელფმანი
შვილ(ებ)ი	1
მშობლები	მამა: პიტერ ფონდა
ნათესავები	ჰენრი ფონდა (ბაბუა) ჯეინ ფონდა (მამიდა)

ბრიჯიტ ჯეინ ფონდა ( 27 იანვარი, 1964, ლოს-ანჯელესი, აშშ) — ამერიკელი მსახიობი.

ბიოგრაფია

ბრიჯიტ ფონდა დაიბადა ლოს-ანჯელესში ( კალიფორნია), ამერიკის შეერთებული შტატები მსახიობის ოჯახში. მისი ოჯა­ხის ყვე­ლა წევ­რი, წი­ნაპ­რე­ბი მსა­ხი­ო­ბე­ბი იყ­ვნენ: ბაბუა გახლდათ ცნობილი  მსახიობი ჰენრი ფონდა, მამა — მსახიობი პიტერ ფონდა, მამიდა — მსახიობი ჯეინ ფონდა. დედა — სიუზან ჯეინ ბრიუერი მხატვარი იყო. გოგონას სახელი მსახიობ მარგარეტ სულავანის ქალიშვილის, ბრიჯიტ ჰეივორდის პატივსაცემად დაარქვეს. მისი დედის ბებია, მერი სვიტი, ცოლად გაჰყვა ბიზნესმენ ნოა დოტრიხს.

მშობლები განქორწინდნენ და მამა ხელახლა დაქორწინდა პორტია რებეკა კროკეტზე, რომანისტისა და სცენარისტის თომას მაკგუენის ყოფილ მეუღლეზე. მეორე ქორწილის შემდეგ ბრიჯიტს და მის ძმა ჯასტინს (დ. 1962 წ.) ნაკლებად ჰქონდათ კონტაქტი მამასთან და მის ოჯახთან.

კარიერა

ბრიჯიტ ფონდას კინოდებიუტი შედგა ხუთი წლის ასაკში. იგი პირველად გამოჩნდა ეკრანზე მამასთან ერთად Easy Rider-ში. ფილმში იგი თამაშობს პატარა გოგონას ჰიპების კომუნაში, რომელსაც პიტერ ფონდა და დენის ჰოპერი სტუმრობდნენ ამერიკის შეერთებული შტატებში მოგზაურობის დროს.ერთ-ერთ ინტერვიუში ბრიჯიტ ფონდა ამბობდა:

„ყო­ველ­თვის მა­ინ­ტე­რე­სებ­და, რო­გო­რი კმა­ყო­ფი­ლე­ბის გრძნო­ბა მექ­ნე­ბო­და, ჩე­მით რომ და­მემ­კვიდ­რე­ბი­ნა სა­ხე­ლი. ხში­რად ვფიქ­რობ, უფრო მშვი­დად ვიქ­ნე­ბო­დი, რომ მცოდ­ნო­და, რომ ჩემი ნი­ჭის გამო მი­ვი­ღე რო­ლე­ბი და არა ჩემი გვა­რის გამო“

მისი მეორე როლი იყო უსიტყვო როლი 1982 წელს გადაღებულ ფილმში „პარტნიორები“. მსახიობის პირველი შესამჩნევი გამოჩენა შედგა ფილმში“ სკანდალი“, სადაც მთავარ როლს ჯონ ჰარტი ასრულებდა.

1990 წელს მსახიობმა შეასრულა ჟურნალისტის როლი „ნათლიას“ ტრილოგიის მესამე ნაწილში.  თეატრსა და კინოში რამდენიმე უმნიშვნელო როლის შემდეგ, იგი მთავარ როლზე მიიწვიეს ფილმში "მარტოხელა თეთრი ქალი". ბრიჯიტმა დაიმსახურა კრიტიკოსების დადებითი შეფასებები.

ბრიჯიტ ფონდა 1997 წელს  თვითმფრინავში რეჟისორ კვენტინ ტარანტინოსთან, ერთად იმგზავრა, რომელმაც შესთავაზა პლაჟის გოგონას როლი ფილმში „ჯეკი ბრაუნი“. მსახიობს აგრეთვე შესთავაზეს მთავარი როლი სატელევიზიო სერიალში „ელი მაკ ბილი“ (როლი მოგვიანებით შეასრულა კალისტა ფლოკჰარტმა) მაგრამ უარი განაცხადა, ვინაიდან გადაწყვიტა  კინოკარიერაზე კონცენტრირება.

2003 წელს ბრიჯიტი ავა­რი­ა­ში მოჰ­ყვა და სე­რი­ო­ზუ­ლი და­ზი­ა­ნე­ბა მი­ი­ღო. სწო­რედ ამან უბიძ­გა მას სამ­სა­ხი­ო­ბო კა­რი­ე­რის­თვის წერ­ტი­ლი და­ეს­ვა. ამას­თან, სურ­და ვა­ჟის აღ­ზრდა­ში აქ­ტი­უ­რად მი­ე­ღო მო­ნა­წი­ლე­ო­ბა.

მსა­ხი­ო­ბი ბრი­ჯიტ ფონ­და სა­ზო­გა­დო­ე­ბის წი­ნა­შე 12 წე­ლია არ გა­მო­ჩე­ნი­ლა. 12-წლი­ა­ნი პა­უ­ზის შემ­დეგ კი პა­პა­რა­ცებ­მა მისი კად­რებ­ზე აღ­ბეჭდ­ვა რამ­დე­ნი­მე დღის წინ, მსა­ხი­ო­ბის 58-ე და­ბა­დე­ბის დღე­ზე მო­ა­ხერ­ხეს.

ბრი­ჯიტს სათ­ვა­ლე ეკე­თა, სპორ­ტუ­ლად ეცვა. მას თან ახ­ლდა 17 წლის ვაჟი, ოლი­ვე­რი.

პირადი ცხოვრება

2003 წლის 29 ნოემბერს იგი დაქორწინდა კომპოზიტორ დენი ელფმანზე. 2005 წლის იანვარში მათ შეეძინათ ვაჟი — ოლივერი. ქორწინების შემდეგ ბრიჯიტ ფონდა აღარ გამოჩენილა ეკრანზე.

ფილმოგრაფია

წელი		სახელწოდება	სახელწოდება ორიგინალში	როლი
1969	ფ	უყურადღებო მხედარი	Easy Rider	ბავშვი კომუნაში
1982	ფ	პარტნიორები	Partners	პერსონაჯის სახელი უცნობია
1987	ფ	არია	Aria	საყვარელი
1988	ფ	არ ღირს სიყვარულის დაჩქარება	You Can’t Hurry Love	პეტი კელოტი
1988	მფ	განდაჰარი	Gandahar	ისტორიკოსი
1989	ტფ		Jacob Have I Loved	ლუიზა ბრედშოუ
1989	ფ	სკანდალი	Scandal	მენდი რის დევისი
1989	ფ		Shag	მელაინა
1989	ს		21 Jump Street	მოლი „მოხო“ ჩაპმენი
1989	ფ	ბრეტელების გარეშე	Strapless	ემი ხემპელი
1989	ტფ	კიდეზე	The Edge	დორაიტი
1990	ფ	ფრანკენშტეინი თავისუფლებაში	Frankenstein Unbound	მერი გოდვინი
1990	ფ	ნათლია 3	The Godfather: Part III	გრეის ჰამილტონი
1991	ფ	რკინის ლაბირინთი	Iron Maze	კრის სუგიტა
1991	ფ	მავნე ფრედი	Drop Dead Fred	ანაბელა
1991	ფ	წვიმის გარეთ	Out of the Rain	ჯო
1991	ფ	დოქტორი ჰოლივუდი	Doc Hollywood	ნენსი ლი ნიკოლსონი
1992	ფ	ტყავის ქურთუკები	Leather Jackets	კლაუდი
1992	ფ	მარტოხელა თეთრი ქალი	Single White Female	ელი ჯონსი
1992	ფ	მარტოხელები	Singles	ჯჯანეტ ლივერმოლი
1992	ფ	ბნელეთის არმია	Army of Darkness	ლინდა
1993	ფ	სხეულები, დასვენება და მოძრაობა	Bodies, Rest & Motion	ბეტი
1993	ფ	მკვლელი/უკანდასახევი არ არის	The Assassin / Point Of No Return	მეგტი ხეივორტი / კლაუდია ედ დორანი / ნინა
1993	ფ	პატარა ბუდა	Little Buddha	ლიზა კონრადი
1994	ფ	ბედნიერი შემთხვევა	It Could Happen to You	ივონი
1994	ფ	გზა ველვილისკენ	The Road to Wellville	ელეონორ ლაითბოდი
1994	ფ	კამილა	Camilla	ფრედა ლოპესი
1995	ფ	მაგია	Rough Magic	მაირა
1995	მფ	ბალტო	Balto	ჯენა
1996	ფ	მერია	City Hall	მერიბეტ კოგანი
1996	ფ	ჩემი გულის სიხარული	Grace of My Heart	კელი პორტერი
1997	ფ	შეხება	Touch	ლინ მერი ფოლკნერი
1997	ტფ	შებინდებისას	In the Gloaming	ენი
1997	ფ	მისტერ ეჭვიანობა	Mr. Jealousy	ირენი
1997	ფ	ჯეკი ბრაუნი	Jackie Brown	მელანი
1998	ფ	განხეთილება	Break Up	ჯიმი დეიდი
1998	ფ	გრეისლენდის ძიება	Finding Graceland	ეშლი
1998	ფ	უბრალო გეგმა	A Simple Plan	სარა მიტჩელი
1999	ფ	შიშის ტბა	Lake Placid	კელი სკოტი
2000	ფ	სამოთხის სამხრეთით, ჯოჯოხეთის დასავლეთით	South of Heaven, West of Hell	ადელაინ დანფრისი
2001	ფ	მფარველი ანგელოზი	Delivering Milo	ელიზაბეტი
2001	მფ	მაიმუნის ძვალი	Monkeybone	ექიმი ჯული მეკ ერლოი
2001	ფ	დრაკონის კოცნა	Kiss of the Dragon	ჯესიკა კამენი
2001	ს	ღამის ხილვები	Night Visions	მერი
2001	ფ	საოჯახო საქმე	The Whole Shebang	ველ ბაზინი
2001	ტფ	უჩვეულო ბავშვი	After Amy / No Ordinary Baby	ლინდა სენკლერი
2002	ს	კრის აიზეკის შოუ	The Chris Isaak Show	სტეფანი ფერსტი
2002	ტფ	თოვლის დედოფალი	Snow Queen	თოვლის დედოფალი

ჯილდოები

• 1990 წელი— ოქროს გლობუსი — საუკეთესო მეორეხარისხოვანი მსახიობი ქალი (შესრულებული როლისთვის ფილმში "სკანდალი")
• 1997 — ემი — საუკეთესო მეორეხარისხოვანი მსახიობი ქალი მინისერიალში ან ფილმში (შესრულებული როლისთვის ფილმში "ბინდის შუქში")
• 2002 წელი — ოქროს გლობუსი — საუკეთესო მსახიობი ქალი მინისერიალში და სატელევიზიო ფილმში (შესრულებული როლისთვის ფილმში "უჩვეულო ბავშვი")

ლიტერატურა

• Collier Peter (1991). The Fondas: A Hollywood Dynasty Putnam. ISBN 0-399-13592-8.

ინტერნეტ რესურსები

• ბრიჯიტ ფონდა კინოფილმების ინტერნეტ-მონაცემთა ბაზა (ინგლისურ ენაზე)